جيىنعا جوبالىق كەڭسە مەملەكەتتىك كوميسسيانىڭ جانە وڭىرلىك كوميسسيالاردىڭ جۇمىس توپتارىنىڭ باسشىلارى مەن وكىلدەرى, مەملەكەتتىك قىزمەتشىلەر, عالىمدار, قوعام قايراتكەرلەرى قاتىستى.
وتكىزىلگەن كەڭەستىڭ ماقساتى – مەملەكەتتىك كوميسسيانىڭ جانە وڭىرلىك كوميسسيالاردىڭ جۇمىس توپتارى قاراستىراتىن ماسەلەلەردى ساياسيلاندىرماۋ, مەملەكەتتىك كوميسسيانىڭ عىلىمي قورىتىندىسىن دايىنداۋ جونىندەگى مىندەتتەرىن ايقىنداۋ, اتقارىلعان جۇمىستار بويىنشا جۇمىس توپتارى مەن وڭىرلىك كوميسسيالاردىڭ ەسەپتەرىن تىڭداۋ, جۇرگىزىلىپ جاتقان عىلىمي زەرتتەۋلەر بويىنشا تاجىريبە الماسۋ, وڭىرلىك كوميسسيالاردىڭ عىلىمي-زەرتتەۋ جۇمىسىن ودان ءارى جەتىلدىرۋ جولدارىن جانە ولاردىڭ مەملەكەتتىك كوميسسيانىڭ جۇمىس توپتارىمەن ءوزارا ارەكەتتەسۋ ماسەلەلەرىن انىقتاۋ.
وتىرىستا مەملەكەتتىك كوميسسيانىڭ حاتشىسى – قازاقستان رەسپۋبليكاسى ءبىلىم جانە عىلىم ۆيتسە-ءمينيسترى ەرعاليەۆ قۋانىش اسىلحان ۇلى اعىمداعى مىندەتتەر تۋرالى باياندادى. ول مەملەكەتتىك كوميسسيا جۇمىسىنىڭ ەكىنشى كەزەڭى بارىسىندا تالداۋ جۇمىستارىنا, الدىن الا قورىتىندىلار مەن ناتيجەلەردى ايقىنداۋعا نازار اۋدارىلاتىنىن اتاپ ءوتتى. وڭىرلىك كوميسسيالارمەن جۇمىس ىستەۋگە, ءبىرىنشى كەزەكتە, مەملەكەتتىك كوميسسيانىڭ جۇمىس توپتارى مەن وڭىرلىك كوميسسيالار اراسىنداعى تىعىز ءوزارا ءىس-قيمىلدىڭ ءتيىمدى الگوريتمدەرىن ازىرلەۋگە ەرەكشە نازار اۋدارىلاتىنىن اتاپ ءوتتى. وبلىستىق مۇراعاتتاردا ىزدەستىرۋ جۇمىستارىن جانداندىرۋدى, ساياسي قۋعىن-سۇرگىن تۋرالى مۇراعات قۇجاتتارىنىڭ توپتاماسىن دايىنداۋدى تاپسىردى. سونداي-اق تەرمينولوگيالىق گلوسساري دايىنداۋ جانە زاڭنامالىق اكتىلەردىڭ جوبالارىن ازىرلەۋ قاجەتتىگىنە توقتالىپ, عالىمدارعا مەملەكەتتىك كوميسسيانىڭ قورىتىندىسىنىڭ جوباسىن دايىنداۋدى تاپسىردى.
مەملەكەتتىك كوميسسيانىڭ جوبالىق كەڭسەسىنىڭ باسشىسى - قاسىموۆ سابىر احمەتجان ۇلى بيىلعى جىلى قارقىندى جۇمىس اتقارعانىن, پرەمەر-ءمينيستردىڭ وكىمىمەن جوبالىق كەڭسەنىڭ ساپالىق قۇرامى كۇشەيتىلىپ, مۇددەلى مينيسترلىكتەر مەن ۆەدومستۆولاردان ساۋاتتى جانە بىلىكتى ماماندار قابىلدانعانىن اتاپ ءوتتى. جوبالىق كەڭسەنىڭ باستاماسىمەن جانە عالىمداردىڭ ۇسىنىستارى نەگىزىندە قۋعىن-سۇرگىنگە ۇشىراعاندارعا قاتىستى اۋقىمدى قۇپيا قۇجاتتىق ماتەريالدار قۇپياسىزداندىرىلدى. مەملەكەتتىك كوميسسيا قۋعىن-سۇرگىن قۇرباندارىن تولىق اقتاۋ ءۇشىن زاڭنامالىق اكتىلەردى ازىرلەۋ جۇمىستارىنا كىرىستى. اسىرەسە تاركىلەۋ, كۇشتەپ ۇجىمداستىرۋ جانە قونىستاندىرۋ, اسىرا سىلتەۋ نەگىزدە استىق - ەت دايىنداۋ ماسەلەلەرى بويىنشا مەملەكەتتىك كوميسسيا جۇمىسىنا قاجەتتى دەرەك كوزدەرى بولىپ تابىلاتىن وبلىستىق جانە اۋداندىق مۇراعات قورلارىندا جۇمىس ىستەۋدىڭ ماڭىزدىلىعى ايقىندالدى. اتاپ ايتقاندا: سەلولىق وكرۋگتەر, ۋەزدىك اتقارۋ كوميتەتتەرى, وگپۋ مەن ميليتسيا ورگاندارىنا قاتىستى قورلارداعى كۋلاكتاردىڭ, بايلاردىڭ, اسىرەسە ورتاشا بايلاردىڭ, مولدا-يشاندار, بولىستاردىڭ تىزىمدەر بازاسىن جاساۋ ماڭىزدى. وسىنداي تىزىمدەر نەگىزىندە قۋعىن-سۇرگىن, ونىڭ ىشىندە سوتسىز جانە تەرگەۋسىز جازالاۋ شارالارى جۇرگىزىلگەن بولاتىن. جوبالىق كەڭسە باسشىسى قاسىموۆ س.ا. ايماقتىق كوميسسيا جۇمىسىنىڭ تيىمدىلىگى, تيىسىنشە ول جۇمىستاردى ۇيلەستىرۋشىلەر وبلىس اكىمدەرىنىڭ ورىنباسارلارى, وبلىستىق جانە اۋداندىق مۇراعاتتار اكىمشىلىگىنە تىكەلەي قاتىستى بولعاندىقتان, ناتيجەلى ۇيىمداستىرۋ جۇمىستارىنىڭ قاجەتتىگىن باسا ايتتى. رەسپۋبليكانىڭ وڭىرلىك كوميسسيا مۇشەلەرى, زەرتتەۋشى-عالىمدارى ايقىنداعان ارحيۆ ماتەريالدارىنىڭ كوشىرمەسىن مەملەكەتتىك كوميسسيانىڭ جوبالىق كەڭسەسىنە جىبەرۋ ۇسىنىلدى.
وتىرىس بارىسىندا مەملەكەتتىك كوميسسيانىڭ جانە وڭىرلىك كوميسسيالاردىڭ جۇمىس توپتارىنىڭ باسشىلارى مەن مۇشەلەرى ماڭىزدى ماسەلەلەر توڭىرەگىندە وي ءبولىستى. اعىمداعى جۇمىستار بويىنشا بىرقاتار تاپسىرما بەرىلىپ, ونى ىسكە اسىرۋ باعىتتارى بويىنشا ادىستەمەلىك نۇسقاۋلار بەرىلدى.
