توپتىق كەزەڭ ماتچتارى بيىلعى 14-18 قىركۇيەكتە ءتورت قالادا وتەدى. قازاقستان قۇراماسى D توبىندا گلازگو قالاسىندا كورت يەلەرى – ۇلىبريتانيا, سونداي-اق اقش جانە نيدەرلاندى قۇرامالارىمەن وينايدى. 2019 جىلى مادريدتە قازاقستاندىقتار توپتىق كەزەڭدە ۇلىبريتانيا جانە نيدەرلاندى تەننيسشىلەرىمەن سىنعا تۇسكەن بولاتىن. وندا قازاقستان قۇراماسى نيدەرلاندىلىقتاردان 2:1 ەسەبىمەن باسىم ءتۇسىپ, ءدال سونداي ەسەپپەن ۇلىبريتانيالىقتارعا جول بەرگەن ەدى. ال اقش قۇراماسىمەن العاش رەت شەبەرلىك بايقاسپاق.
سونداي-اق A توبىندا بولونيادا يتاليا, حورۆاتيا, ارگەنتينا, شۆەتسيا قۇرامالارى ءوزارا كۇشتىنى انىقتايدى. ۆ توبىندا ۆالەنسيادا يسپانيا, كانادا, سەربيا جانە وڭتۇستىك كورەيانىڭ جولدارى تۇيىسەدى. C توبىندا گامبۋرگتە گەرمانيا, فرانتسيا, بەلگيا جانە اۋستراليا قۇرامالارى كورتقا شىعادى.
دەۆيس كۋبوگىنىڭ توپتىق كەزەڭى العاش رەت ءتورت قالادا وتسە, پلەي-وفف باسەكەلەرى مالاگادا بولادى. پلەي-وفف كەزەڭىنە ءار توپتان ەكى ۇزدىك كوماندا جولداما الادى. كۋبوكتىڭ شەشۋشى ويىندارى 23-27 قاراشادا ءوتىپ, جەڭىمپاز انىقتالادى.
ايانا توعانبەك
