بۇل ۋچاسكەدە ۇلكەن سۇرانىسقا يە №32, 50 باعدارداعى اۆتوبۋستاردىڭ قوزعالىسىنا ارتىقشىلىق جاسالعان.
«قوعامدىق كولىكتىڭ كەدەرگىسىز وتۋىنەن باسقا, Bus Lane جوباسى جەدەل جاردەم مەن ءورت ءسوندىرۋ تەحنيكاسى ءۇشىن دە كولىك ءدالىزىن قامتاماسىز ەتۋگە مۇمكىندىك بەرەدى, ناتيجەسىندە ولاردىڭ ءجۇرۋ ۋاقىتى ەداۋىر جىلدامدادى», دەدى CTS.
وسىلايشا Bus Lane جوباسى جالپى ۇزىندىعى 74,6 كيلومەتر بولاتىن 26 جول ۋچاسكەسىندە جۇزەگە اسىرىلۋدا.
ەنگىزىلگەن جاڭا وزگەرىستەردى ەسكەرە وتىرىپ, جۇرگىزۋشىلەر جۇرەتىن جولىن الدىن الا جوسپارلاۋى كەرەك.
ەسكە سالا كەتەيىك, ەلوردادا Bus Lane-ءدى پايدالانۋ ماسەلەسى بويىنشا ونلاين-داۋىس بەرۋ جالعاسۋدا, قوعامدىق كولىك ءۇشىن بولىنگەن جولاقتار بويىنشا جۇرگىزۋشىلەردىڭ قاربالاس ساعاتتاردان تىس جانە دەمالىس كۇندەرى قوزعالۋ مۇمكىندىگى پىسىقتالىپ جاتىر.
Bas Lane پايدالانۋ ماسەلەلەرى بويىنشا داۋىس بەرۋ ءۇشىن مىنا سىلتەمەگە ءوتۋ كەرەك.
داۋىس بەرۋ جۇيەسى eGov.kz پورتالىندا جانە ءموبيلدى ازاماتتار بازاسىندا تىركەلگەندەرگە عانا قولجەتىمدى. ياعني, داۋىس بەرۋ ءۇشىن اۆتوريزاتسيادان ءوتۋ قاجەت.
ول ءۇشىن سايتتىڭ جوعارعى پانەلىندەگى «كىرۋ» سىلتەمەسىن باسىڭىز, سودان كەيىن eGov.kz-تە اۆتوريزاتسيا پاراقشاسى اشىلادى. كىرۋ نۇسقالارىنىڭ ءبىرىن تاڭداڭىز, مىسالى, ءبىر رەتتىك پارول (SMS) نەمەسە ەتسق ارقىلى, اۆتوريزاتسيادان ءوتىڭىز, سودان كەيىن ساۋالنامانىڭ تومەنگى جاعىندا «داۋىس بەرۋ» باتىرماسى پايدا بولادى.
ەگەر ءسىز ءموبيلدى قۇرىلعىدان داۋىس بەرگىڭىز كەلسە, وندا ءبىر رەتتىك پارول ارقىلى اۆتوريزاتسيانى قولدانۋىڭىزعا بولادى.
