«جالپى 2022 جىلعا 33 ينۆەستيتسيالىق جوبانى ىسكە اسىرۋ جوسپارلانعان. ونىڭ ىشىندە: 7 ەت كومبيناتى, 10 ءسۇت وڭدەۋ زاۋىتى, 10 قۇس فابريكاسىن سالۋ جانە كەڭەيتۋ بويىنشا جوبا جانە 165 مىڭ گەكتار الاڭدا 6 باقشا سالۋ. بۇل جوبالار رەسپۋبليكانىڭ 13 وڭىرىندە جالپى سوماسى 38 ملرد تەڭگەگە ىسكە اسىرىلادى. ناتيجەسىندە 1,7 مىڭنان استام جۇمىس ورنىن قۇرۋ جوسپارلانعان», دەدى مينيستر.
ونىڭ دەرەگىنشە, ءىرى نىسانداردىڭ قاتارىندا الماتى جانە قاراعاندى وبلىستارىنداعى جالپى سوماسى 7 ملرد تەڭگەنى قۇرايتىن ءسۇت ونىمدەرىن وندىرۋگە باعىتتالعان 2 جوبا بار. جوبالار ىسكە اسقاندا 110 جاڭا جۇمىس ورنى اشىلادى.
«يمپورتتى الماستىرۋ جونىندەگى ءىس-شارالار اياسىندا مىناداي جۇيەلى شارالار قابىلداناتىن بولادى: 23,6 ملرد تەڭگە سوماسىنا جوبالاردى قارجىلاندىرۋ; ينفراقۇرىلىمدى دامىتۋ; 6 ملرد تەڭگە كولەمىندە ينۆەستيتسيالىق سالىمداردى سۋبسيديالاۋ; ءونىم ساپاسىن باقىلاۋدى كۇشەيتۋ», دەدى ەربول قاراشوكەەۆ.
ايانا توعانبەك
