تانىم • 26 ءساۋىر، 2022

ءجۋرناليستىڭ جەكە زاتتارى مۋزەيگە تاپسىرىلدى

48 رەت كورسەتىلدى

قازاقستان رەسپۋبليكاسىنىڭ ۇلتتىق مۋزەيىنە قازاق تەلەۆيزياسىندا 50 جىلعا جۋىق قىزمەت اتقارعان جۋرناليستيكا ارداگەرى نۇرتىلەۋ يمانعالي ۇلى قولدانعان زاتتارى تابىستالدى. بۇل ىسكە باستاماشىلىق تانىتقان قالامگەردىڭ زايىبى قارلىعاش تابۋلدينوۆا ەكەن.

تانىمال تەلەجۋرناليست نۇرتىلەۋ يمانعالي ۇلىنىڭ تۋعانىنا بيىل 70 جىل تولىپ وتىر. 1977 جىلى قازمۋ-ءدى بىتىرگەن تالانتتى تۇلعا اۋەلگى ەڭبەك جولىن قازاق تەلەۆيزيا­سىندا ءتىلشى بولىپ باستاپ، كەيىن رەداكتور، اعا رەداكتور، كوممەنتاتور، باس رەداكتور، ساياسي شولۋشى، ديرەكتوردىڭ ورىنباسارى، «حابار» اگەنت­تىگىندە مودەراتور-جۇرگىزۋشى، ودان كەيىن ۇكىمەت كەڭسەسىندە سەكتور مەڭگەرۋشىسى، پرەزيدەنت اكىمشىلىگىندە باس مامان بولىپ قىزمەت ىستەگەن. كوررۋپتسياعا قارسى كۇ­رەس جونىندەگى مەم­لەكەتتىك كو­ميسسياسىنىڭ مۇ­شەسى، «قا­زاق­ستان» رترك» اق باس­­قارما توراعاسى قاتارلى قىز­مەت اتقارعان.

وسى ورايدا مۋزەي قورىنا تابىستالىپ وتىرعان جادىگەرلەر قاتارىندا، ءجۋرناليستىڭ قىز­مەتتىك جانە وتباسىلىق ەستە­لىكتەرى جيناقتالعان فوتو-ال­بوم، «قازاق جەرىنىڭ زيالىلارى» اتتى ەنتسيكلوپەدياس­ى مەن ۇلتتىڭ ءۇنجارياسى، كوستيۋم-شالبارى، كويلەگى، سومكەسى، قا­لامسابى، كوزىلدىرىگى، قويىن داپتەرلەرى، «بەيىمبەت ماي­لين – 125 جىل»، ء«ىلياس جان­سۇگىروۆ – 125 جىل»، «اسەت نايمان­باي­ ۇلى – 150 جىل» مەدالدارى بار.

«نۇرتىلەۋ يمانعالي ۇلى ەلدىڭ ازاماتى، وتباسىنىڭ بەرىك تىرەگى بولدى. بۇگىن ءوزى قولدانعان زاتتارىنىڭ ءبىر بولىگىن ۇلتتىق مۋزەيگە تاپسىرىپ، ول جايلى ەسكىرمەس ەستەلىكتەردىڭ كەيىنگى ۇرپاق جادىندا ساقتالۋىنا اتسالىستىق دەپ ويلايمىن. نۇر­تىلەۋدىڭ ءوزى ايتقانداي «پات­شا كوڭىلدى كورەرمەنى» بۇدان بىلاي ول قولدانعان زات­تاردى ۇلتتىق مۋزەيدەن تاماشالاي الادى. نۇرتىلەۋ ءوز سالا­سىنىڭ كاسىبي مامانى عانا ەمەس جان-جاقتى ءبىلىمدى، جەكە ومىردەگى قاسيەتتەرىن ۇلگى ەتۋگە لايىق. ونىڭ دالەلى جىلى ەستەلىكتەر مەن ارتىندا قالعان مۇرالارى»، دەيدى ءجۋرناليستىڭ جارى قارلىعاش سوۆەتبەكقىزى.

سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

سوفيادان ولجالى ورالدى

سپورت • بۇگىن، 08:40

ۇقساس جاڭالىقتار