«قاڭتار وقيعاسى كەزىندە شىعىس قازاقستان وبلىسىنىڭ ەكى ءىرى قالاسىندا اگرەسيۆتى 2500 ادام مەن پوليتسيانىڭ قاقتىعىسى ءبىر ۋاقىتتا بولعان. 5 قاڭتار كۇنى سەمەي قالاسىنىڭ اكىمدىگى باسىپ الىندى, 12 پوليتسيا اۆتوكولىگى زاقىمداندى, «تيگر» ارنايى كولىگى ۇرلاندى. 124 پوليتسيا قىزمەتكەرى مەن ۇلتتىق گۆارديانىڭ اسكەريلەرى دەنە جاراقاتتارىن الدى», دەدى ە. قيلىمجانوۆ.
ونىڭ ايتۋىنشا, وسكەمەن قالاسىندا شابۋىلداۋشىلار اكىمدىكتىڭ, حالىق بانكىنىڭ, «سۋلپاك» دۇكەنىنىڭ عيماراتتارىنا, كوممەرتسيالىق نىساندارعا جانە 10 قىزمەتتىك اۆتوكولىككە زاقىم كەلتىرگەن. «بەكەت-2» ستاتسيونارلىق پوليتسيا بەكەتى جويىلعان.
«وسى كەزەڭدە وبلىستا 7 ادام قازا تاپتى. پوليتسيا عيماراتتارىندا قايتىس بولعان 3 ازاماتقا قاتىستى تەرگەۋدى باس پروكۋراتۋرانىڭ ارنايى پروكۋرورلارى جۇرگىزىپ جاتىر. 4 ادامنىڭ مايىتىنە قاتىستى دەرەكتەردى پوليتسيا ورگاندارى تەرگەۋدە», دەدى باس پروكۋراتۋرا وكىلى.
