2013 جىلعى 3 قازان استانا قالاسى
«تىندەردى جانە (نەمەسە) اعزالاردى (اعزالاردىڭ بولىكتەرىن) الۋدىڭ, كونسەرۆاتسيالاۋدىڭ, ادامنان ادامعا جانە جانۋارلاردان ادامعا ترانسپلانتتاۋدى جۇرگىزۋدىڭ ءتارتىبىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2009 جىلعى 30 قازانداعى № 623 بۇيرىعىنا وزگەرىس ەنگىزۋ تۋرالى
«حالىق دەنساۋلىعى جانە دەنساۋلىق ساقتاۋ جۇيەسى تۋرالى» 2009 جىلعى 18 قىركۇيەكتەگى قازاقستان رەسپۋبليكاسى كودەكسىنىڭ 170-بابىنىڭ 8-تارماعىنا سايكەس جانە حالىقارالىق ستاندارتتارعا سايكەس تىندەردى جانە (نەمەسە) اعزالاردى (اعزالاردىڭ بولىكتەرىن) ترانسپلانتتاۋدى جەتىلدىرۋ ماقساتىندا بۇيىرامىن:
1.«تىندەردى جانە (نەمەسە) اعزالاردى (اعزالاردىڭ بولىكتەرىن) الۋدىڭ, كونسەرۆاتسيالاۋدىڭ, ادامنان ادامعا جانە جانۋارلاردان ادامعا ترانسپلانتتاۋدى جۇرگىزۋدىڭ ءتارتىبىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2009 جىلعى 30 قازانداعى № 623 («زاڭ گازەتى» گازەتىندە 2009 جىلعى 30 جەلتوقسانداعى № 198 (1795) جاريالانعان, نورماتيۆتىك قۇقىقتىق اكتىلەردە مەملەكەتتىك تىركەۋ تىزىلىمىندە N 5909 تىركەلگەن)بۇيرىعىنا مىناداي وزگەرىس ەنگىزىلسىن:
وسى بۇيرىققا قوسىمشاعا سايكەس تىندەردى جانە (نەمەسە) اعزالاردى (اعزالاردىڭ بولىكتەرىن) الۋدىڭ, كونسەرۆاتسيالاۋدىڭ, ادامنان ادامعا جانە جانۋارلاردان ادامعا ترانسپلانتتاۋدى جۇرگىزۋ قاعيداسى جاڭا رەداكتسيادا جازىلسىن.
2.قازاقستان رەسپۋبليكاسى دەنساۋلىق ساقتاۋ مينيسترلىگىنىڭ مەديتسينالىق كومەكتى ۇيىمداستىرۋ دەپارتامەنتى (ا.ع. تولەعاليەۆا):
1) زاڭنامادا بەلگىلەنگەن تارتىپپەن وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) وسى بۇيرىقتى قازاقستان رەسپۋبليكاسى دەنساۋلىق ساقتاۋ مينسترلىگىنىڭ ينتەرنەت-رەسۋرسىندا ورنالاستىرۋدىقامتاماسىز ەتسىن.
3. قازاقستان رەسپۋبليكاسى دەنساۋلىق ساقتاۋ مينيسترلىگىنىڭ زاڭ قىزمەتى دەپارتامەنتى (د.ە. اسايىنوۆا) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن بۇقارالىق اقپارات قۇرالدارىندا رەسمي جاريالانۋىن قامتاماسىز ەتسىن.
4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ ۆيتسە-ءمينيسترى ە.ءا. بايجۇنىسوۆكە جۇكتەلسىن.
5. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەننەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ دەنساۋلىق ساقتاۋ ءمينيسترى س. قايىربەكوۆا.
قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2013 جىلعى 10 قازانداعى №573 بۇيرىعىنا قوسىمشا
قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2009 جىلعى 30 قازانداعى № 623 بۇيرىعىمەن بەكىتىلگەن
تىندەردى جانە (نەمەسە) اعزالاردى (اعزالاردىڭ بولىكتەرىن) الۋ, كونسەرۆاتسيالاۋ, ادامنان ادامعا جانە جانۋارلاردان ادامعا ترانسپلانتتاۋدى جۇرگىزۋ قاعيداسى
1. جالپى ەرەجەلەر
1. وسى قاعيدا «حالىق دەنساۋلىعى جانە دەنساۋلىق ساقتاۋ جۇيەسى تۋرالى» 2009 جىلعى 18 قىركۇيەكتەگى قازاقستان رەسپۋبليكاسى كودەكسىنىڭ 170-بابىنىڭ 8-تارماعىن ىسكە اسىرۋ ماقساتىندا ازىرلەنگەن. 2.وسى قاعيدالاردا مىناداي تەرميندەر مەن انىقتامالار پايدالانىلدى: 1) دونور - دونورلىق قان, ونىڭ كومپونەنتتەرى, وزگە دە دونورلىق ماتەريال (ونىڭ ىشىندە شاۋەت, جىنىس جاسۋشالارى, انالىق جاسۋشا) الۋ جۇرگىزىلەتىن, سونداي-اق رەتسيپيەنتكە ترانسپلانتتاۋ ءۇشىن تىندەردى جانە (نەمەسە) اعزالاردى (اعزالاردىڭ بولىكتەرىن) الۋ جۇرگىزىلەتىن ادام, ادامنىڭ ءمايىتى, جانۋار; 2) رەتسيپيەنت – دونورلىق قان نەمەسە ودان بولىنگەن كومپونەنتتەر جانە (نەمەسە) پرەپاراتتار قۇيىلاتىن, ەركەكتىڭ نەمەسە ايەلدىڭ دونورلىق ماتەريالى (شاۋەت نەمەسە انالىق جاسۋشا) ەنگىزىلەتىن نە دونوردان الىنعان تىندەردى جانە (نەمەسە) اعزانى (اعزانىڭ بولىكتەرىن) ترانسپلانتتاۋ جاسالاتىن پاتسيەنت; 3) ميدىڭ ءولىمى – جۇرەك جۇمىس ىستەپ تۇرعاندا جانە وكپەنى ىقتيارسىز جەلدەتۋ كەزىندە تىركەلەتىن ميدىڭ بارلىق قىزمەتىنىڭ تولىق جانە ءبىرجولا توقتاتۋى. ميدىڭ ءولىمى ادام ولىمىنە تەڭەستىرىلەدى; 4) اعزا – بەلگىلى ءبىر فۋنكتسيانى ورىندايتىن ورگانيزمنىڭ بولىگى; 5) ءتىن – بىردەي قۇرىلىمى, فۋنكتسياسى جانە تۇپتەگى بار جاسۋشىلار مەن جاسۋشاارالىق زاتتىڭ جيىنتىعى; 6) الۋ – رەتسيپيەنتكە ترانسپلانتتاۋ ماقساتىندا دونوردان تىندەردى, ءبىر جانە (نەمەسە) ودان دا كوپ اعزالاردى (اعزالاردىڭ بولىكتەرىن) الۋ; 7) كونسەرۆاتسيالاۋ – تىندەردىڭ جانە (نەمەسە) اعزالاردىڭ (اعزالاردىڭ بولىكتەرىنىڭ) تىرشىلىك ارەكەتىن ساقتاۋ ماقساتىندا ىشكى جانە سىرتقى اسەرلەردەن تىندەردىڭ جانە (نەمەسە) اعزالاردىڭ (اعزالاردىڭ بولىكتەرىن) جاسۋشىلارىن قورعاۋدى قامتاماسىز ەتەتىن شارالار جيىنتىعى; 8) ترانسپلانتتاۋ – تىندەردى جانە (نەمەسە) اعزالاردى (اعزالاردىڭ بولىكتەرىن) ورگانيزمنىڭ باسقا جەرىنە نەمەسە باسقا ورگانيزمگە اۋىستىرىپ سالۋ, ءسىڭىستىرۋ; 9) ترانسپلانتتاۋ بريگاداسى – مەديتسينالىق دەنساۋلىق ساقتاۋ ۇيىمدارىنىڭ شتاتتاعى قىزمەتكەرلەرى بولىپ تابىلاتىن «جالپى حيرۋرگيا» ماماندىعى بويىنشا سەرتيفيكاتى بار جانە «ترانسپلانتولوگيا» ماماندىعى بويىنشا قايتا دايارلاۋدان وتكەن دارىگەرلەر توبى; 10) ستاتسيونارلىق ترانسپلانتتاۋشى ۇيلەستىرۋشى – ستاتسيوناردىڭ شتاتتاعى قىزمەتكەرى بولىپ تابىلاتىن مەديتسينالىق ۇيىمداردا تىندەردى جانە (نەمەسە) اعزالاردى (اعزالاردىڭ بولىكتەرىن) دونورلاۋ ديسپەتچەرى جانە باستاماشىسى. ستاتسيونارلىق ترانسپلانتتاۋشى ۇيلەستىرۋشى لاۋازىمىنا شۇعىل ستاتسيونارلىق مەديتسينالىق كومەك كورسەتەتىن رەانيماتسيا جانە قارقىندى تەراپيا بولىمشەسىندە جانە باسقا بولىمشەلەرگە رۇقساتى بار رەنيماتولوگ, حيرۋرگ, نەۆروپاتولوگ, ۋرولوگ جانە باسقا ماماندىقتار بويىنشا بىلىكتىلىگى بار دارىگەرلەر, وڭىرلىك ترانسپلانتتاۋ قىزمەتىن ۇيلەستىرۋشىنىڭ ۇسىنۋى بويىنشا ءترۇو باسشىسىنىڭ بۇيرىعىمەن تاعايىندالادى. 11) وڭىرلىك ترانسپلانتتاۋشى ۇيلەستىرۋشى - دارىگەر – قازاقستان رەسپۋبليكاسىنىڭ وبلىستىق ورتالىقتارىندا تىندەردى جانە (نەمەسە) اعزالاردى (اعزالاردىڭ بولىكتەرىن) ترانسپلانتتاۋ سالاسىندا مەديتسينالىق ۇيىمداردىڭ اۋرۋحاناارالىق ءوزارا ءىس-قيمىلىن ۇيىمداستىرۋشى دارىگەر. وڭىرلىك ترانسپلانتتاۋشى ۇيلەستىرۋشى لاۋازىمىنا قوعامدىق دەنساۋلىق ساقتاۋ, رەنيماتولوگ, حيرۋرگ, نەۆروپاتولوگ, ۋرولوگ جانە باسقا ماماندىقتار بويىنشا بىلىكتىلىگى بار, مەملەكەتتىك مەديتسينالىق ۇيىمداردا 5 جىلدان كەم ەمەس جۇمىس ءوتىلى بار دارىگەر ءترۇو باسشىسىنىڭ بۇيرىعىمەن تاعايىندالادى. 12) رەسپۋبليكالىق ترانسپلانتتاۋشى ۇيلەستىرۋشى – تىندەردى جانە (نەمەسە) اعزالاردى (اعزالاردىڭ بولىكتەرىن) ترانسپلانتاتسيالاۋ سالاسىندا مەديتسينالىق ۇيىمداردىڭ قىزمەتىن ۇيلەستىرۋدى ىسكە اسىراتىن دەنساۋلىق ساقتاۋ ۇيىمى. ۇيلەستىرۋدى «ترانسپلانتتاۋ جونىندەگى رەسپۋبليكالىق ۇيلەستىرۋ ورتالىعى» (بۇدان ءارى – ءترۇو) ىسكە اسىرادى.2. ادامنان جانە جانۋارلاردان تىندەردى جانە (نەمەسە) اعزالاردى (اعزالاردىڭ بولىكتەرىن) الۋ جانە كونسەرۆاتسيالاۋ ءتارتىبى
3. ترانسپلانتتاۋ ماقساتىندا تىندەردى جانە (نەمەسە) اعزالاردى (اعزالاردىڭ بولىكتەرىن) الۋدى, كونسەرۆاتسيالاۋدى, ترانسپلانتتاۋ بريگادالارى نەمەسە «جالپى حيرۋرگيا» ماماندىعى بويىنشا سەرتيفيكاتى بار جانە «ترانسپلانتولوگيا» ماماندىعى بويىنشا قايتا دايارلاۋدان وتكەن دارىگەرلەر جۇزەگە اسىرادى. 4. ستاتسيونارلىق ترانسپلانتتاۋشى ۇيلەستىرۋشى مەديتسينالىق ۇيىمداردا الەۋەتتى دونورلاردى انىقتاۋعا جاۋاپتى, الەۋەتتى دونوردى انىقتاعان جاعدايدا وڭىرلىك ترانسپلانتتاۋشى ۇيلەستىرۋشىگە بىردەن حابارلايدى. 5. وڭىرلىك ترانسپلانتتاۋشى ۇيلەستىرۋشى كۇن سايىن ستاتسيونارلىق ترانسپلانتتاۋشى ۇيلەستىرۋشىلەردىڭ جۇمىسىن جانە ءترۇو-مەن ءوزارا ءىس-قيمىلدى باقىلاۋدى كۇندەلىكتى ەسەپتىلىك نىسانىن الۋ مەن تالداۋ ارقىلى باقىلاۋدى, الەۋەتتى دونوردىڭ نەمەسە رەتسيپيەنتتىڭ بولۋى تۋرالى كوممۋنيكاتسيا قۇرالدارىن (تەلەفوندىق جانە فاكسيمالدىك بايلانىستار, عالامتور جانە باسقا كوممۋنيكاتسيالىق قۇرالدار) پايدالانا وتىرىپ حابارلاۋدى جۇزەگە اسىرادى. الەۋەتتى دونوردىڭ بولۋى تۋرالى اقپاراتتى الۋ كەزىندە وڭىرلىك ترانسپلانتتاۋشى ۇيلەستىرۋشى الەۋەتتى دونور انىقتالعان مەديتسينالىق ۇيىمنىڭ باسشىسىمەن بىرلەسىپ, 24 ساعاتتىڭ ىشىندە قان ۇلگىلەرىن جيناۋ كەزىنەن باستاپ اۋە نەمەسە جەر ءۇستى كولىگىمەن, 18-20 گرادۋستىق تسەلسي تەمپەراتۋراسىنداعى ۆاكۋتەينەرلەردە دونوردان قان ۇلگىلەرىن HLA-زەرتتەۋدى جۇزەگە اسىراتىن مەديتسينالىق ۇيىمنىڭ زەرتحاناسىنا جەتكىزۋدى ۇيىمداستىرادى. 6. باس ميىنىڭ ءبىرجولا سەمۋى انىقتالعاننان كەيىن جانە تىندەردى جانە (نەمەسە) اعزالاردى (اعزالاردىڭ بولىكتەرىن) الۋعا دونوردىڭ زاڭدى وكىلدەرىنەن جازباشا كەلىسىم العاننان كەيىن, ءترۇو-عا كورسەتىلگەن اكتۋالدىق دونور تۋرالى بىردەن حابارلايدى. 7. ءترۇو قاجەت بولعان جاعدايدا سانيتاريالىق اۆياتسيا بويىنشا رەسپۋبليكالىق ۇيلەستىرۋ ورتالىعىمەن بىرلەسىپ تىندەردى جانە (نەمەسە) اعزالاردى (اعزالاردىڭ بولىكتەرىن) الۋ, كونسەرۆاتسيالاۋ, تاسىمالداۋ ءۇشىن «جالپى حيرۋرگيا» ماماندىعى بويىنشا سەرتيفيكاتى بار جانە «ترانسپلانتولوگيا» ماماندىعى بويىنشا قايتا دايارلاۋدان وتكەن ترانسپلانتاتتاۋ بريگاداسىن نەمەسە دارىگەرلەردى اكتۋالدىق دونوردىڭ بولۋى تۋرالى اقپاراتتى العان كەزدەن باستاپ 24 ساعاتتان كەشىكتىرمەي ولاردى ترانسپلانتتاۋ ءۇشىن مەديتسينالىق مەكەمەگە جەتكىزۋدى قامتاماسىز ەتەدى. 8. مايىتتىك دونوردان تىندەردى جانە (نەمەسە) اعزالاردى (اعزالاردىڭ بولىكتەرىن) الۋدى جۇرگىزۋ كەزىندە سوت-مەديتسينالىق ساراپشىنىڭ قاتىسۋى «سوت-مەديتسينالىق ساراپتامانى ۇيىمداستىرۋ جانە جۇرگىزۋ ءتارتىبى تۋرالى نۇسقاۋلىقتى بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2010 جىلعى 20 مامىرداعى № 368 («ەگەمەندى قازاقستان» گازەتىندە 2010 جىلعى 22 قىركۇيەكتەگى № 249 (26310) جاريالانعان, نورماتيۆتىك قۇقىقتىق اكتىلەردە مەملەكەتتىك تىركەۋ تىزىلىمىندە N 6305 تىركەلگەن) بۇيرىعىنا سايكەس جۇزەگە اسىرىلادى. 9. الەۋەتتى دونور انىقتالعان مەديتسينالىق ۇيىمنىڭ باسشىسى باس ميىنىڭ ءبىرجولا سەمۋى انىقتالعاننان جانە قايتىس بولعان ادامنىڭ تۋىسقاندارىنان كەلىسىم العاننان كەيىن ترانسپلانتتاۋ بريگادالارىنا نەمەسە «جالپى حيرۋرگيا» ماماندىعى بويىنشا سەرتيفيكاتى بار جانە «ترانسپلانتولوگيا» ماماندىعى بويىنشا قايتا دايارلاۋدان وتكەن دارىگەرلەرگە تىندەردى جانە (نەمەسە) اعزالاردى (اعزالاردىڭ بولىكتەرىن) كەدەرگىسىز الۋدى قامتاماسىز ەتەدى. 10. مايىتتىك دونوردان تىندەردى جانە (نەمەسە) اعزالاردى (اعزالاردىڭ بولىكتەرىن) الۋعا قارسى ايعاقتى تىندەردى جانە (نەمەسە) اعزالاردى (اعزالاردىڭ بولىكتەرىن) الۋ جونىندەگى ترانسپلانتتاۋ بريگاداسىنىڭ دارىگەرلەرى نەمەسە «جالپى حيرۋرگيا» ماماندىعى بويىنشا سەرتيفيكاتى بار جانە «ترانسپلانتولوگيا» ماماندىعى بويىنشا قايتا دايارلاۋدان وتكەن دارىگەرلەر ستاتسيونارلىق ناۋقاستىڭ (دونوردىڭ) مەديتسينالىق كارتاسىمەن تانىسقاننان كەيىن بەلگىلەيدى. 11. ايتۆ ينفەكتسياسىنا, مەرەزگە, ۆ جانە س گەپاتيتتەرىنە قانعا زەرتتەۋ جۇرگىزىلمەگەن, سونداي-اق باسقا ينفەكتسيالىق اۋرۋلارى بار دونورلاردان تىندەردى جانە (نەمەسە) اعزالاردى (اعزالاردىڭ بولىكتەرىن) الۋعا, كونسەرۆاتسيالاۋعا جول بەرىلمەيدى. 12. الۋ ءراسىمى اياقتالعاننان كەيىن ترانسپلانتتاۋ بريگاداسىنىڭ «جالپى حيرۋرگيا» ماماندىعى بويىنشا سەرتيفيكاتى بار جانە «ترانسپلانتولوگيا» ماماندىعى بويىنشا قايتا دايارلاۋدان وتكەن دارىگەرلەر «دەنساۋلىق ساقتاۋ ۇيىمدارىنىڭ باستاپقى مەديتسينالىق قۇجاتتاما نىساندارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2010 جىلعى 23 قاراشاداعى № 907 («ەگەمەندى قازاقستان» گازەتىندە 2011 جىلعى 24 اقپانداعى № 68-69 (26489-26490) جاريالانعان, نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە N 6697 تىركەلگەن)) بۇيرىعىمەن بەكىتىلگەن № 018/ە نىسانى بويىنشا ترانسپلانتتاۋ ءۇشىن دونور – مايىتتەن تىندەردى جانە (نەمەسە) اعزالاردى (اعزالاردىڭ بولىكتەرىن) الۋ تۋرالى اكتىنى تولتىرادى (بۇدان ءارى – الۋ تۋرالى اكتى). الۋ تۋرالى اكتىنىڭ ءبىر داناسى ستاتسيونارلىق ناۋقاستىڭ (دونوردىڭ) مەديتسينالىق كارتاسىنا جاپسىرىلادى جانە الىنعان تىندەردىڭ جانە (نەمەسە) اعزالاردىڭ (اعزالاردىڭ بولىكتەرىنىڭ) ءاربىر بىرلىگىنە ءبىر-ءبىر دانادان قوسا ۇسىنىلادى. ترانسپلانتتاۋ ءۇشىن دونوردان – ءتىرى ادامنان تىندەردى جانە (نەمەسە) اعزالاردى (اعزالاردىڭ بولىكتەرىن) الۋ جۇزەگە اسىرىلعان جاعدايدا «دەنساۋلىق ساقتاۋ ۇيىمدارىنىڭ باستاپقى مەديتسينالىق قۇجاتتاما نىساندارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشى 2010 جىلعى 23 قاراشاداعى № 907 بۇيرىعىمەن بەكىتىلگەن №تب 033/ە نىسانى بويىنشا ستاتسيونارلىق ناۋقاستىڭ مەديتسينالىق كارتاسىندا ءتيىستى جازبالار ەنگىزىلەدى. 13. تىندەردى جانە (نەمەسە) اعزالاردى (اعزالاردىڭ بولىكتەرىن) كونسەرۆاتسيالاۋدى ترانسپلانتتاۋ بريگاداسىنىڭ «جالپى حيرۋرگيا» ماماندىعى بويىنشا سەرتيفيكاتى بار جانە «ترانسپلانتولوگيا» ماماندىعى بويىنشا قايتا دايارلاۋدان وتكەن دارىگەرلەرى ولاردى العاننان كەيىن سانيتاريالىق-ەپيدەميولوگيالىق تالاپتاردى ساقتاي وتىرىپ جۇرگىزەدى. 14. تىندەردى جانە (نەمەسە) اعزالاردى (اعزالاردىڭ بولىكتەردى) كونسەرۆاتسيالاۋ ءۇشىن ەرىتىندىلەر ايىنا ءبىر رەتتەن ءجيى ەمەس ميكروبيولوگيالىق باقىلاۋعا جاتادى. 15. الىنعان تىندەر جانە (نەمەسە) اعزالار (اعزالاردىڭ بولىكتەردى) 6-12 ساعات بويى تاڭبالانعان جانە تەمپەراتۋرالىق رەجىمدە (0-4 0س) ستەريلدەنگەن, بيوينەرتتىك, ءبۇتىن جانە ساڭىلاۋسىز جابىلاتىن كونتەينەرلەرگە ورنالاستىرىلادى. كونتەينەرلەردى باسقا ماقساتتار ءۇشىن پايدالانۋعا تىيىم سالىنادى. 16. ەگەر دونوردان الىنعان تىندەر جانە (نەمەسە) اعزالار (اعزالاردىڭ بولىكتەرى) ترانسپلانتتاۋ بريگاداسىنىڭ «جالپى حيرۋرگيا» ماماندىعى بويىنشا سەرتيفيكاتى بار جانە «ترانسپلانتولوگيا» ماماندىعى بويىنشا قايتا دايارلاۋدان وتكەن دارىگەرلەرى ترانسپلانتتاۋ ءۇشىن جارامسىز بولىپ تابىلعاندا نەمەسە ترانسپلانتتاۋ ءۇشىن پايدالانىلماسا, وندا ولاردى 1 جۇمىس كۇنىنىڭ ىشىندە جارامسىزدىق سەبەبىن كورسەتە وتىرىپ, پاتولواناتوميالىق بيۋروعا (بولىمشەگە) پاتولوگواناتوميالىق (مورفولوگيالىق) زەرتتەۋ جۇرگىزۋ ءۇشىن جىبەرەدى. 17. الۋ, كونسەرۆاتسيالاۋ جانە ترانسپلانتتاۋ پروتسەسىندە پايدا بولعان, نەمەسە ترانسپلانتتاۋ ءۇشىن جارامسىز بولىپ تابىلعان تىندەردى جانە (نەمەسە) اعزالاردى (اعزالاردىڭ بولىكتەرىن) پايداعا اسىرۋ قازاقستان رەسپۋبليكاسى ۇكىمەتىنىڭ 2012 جىلعى 6 ناۋرىزداعى № 291 قاۋلىسىمەن بەكىتىلگەن «ءوندىرىس جانە تۇتىنۋ قالدىقتارىن جيناۋعا, پايدالانۋعا, قولدانۋعا, زالالسىزداندىرۋعا, تاسىمالداۋعا, ساقتاۋعا جانە كومۋگە قويىلاتىن سانيتاريالىق-ەپيدەميولوگيالىق تالاپتار» سانيتاريالىق قاعيدالارىنىڭ 60-تارماعىنا سايكەس جۇزەگە اسىرىلادى.3. تىندەردى جانە (نەمەسە) اعزالاردى (اعزالاردىڭ بولىكتەرىن) الۋ, كونسەرۆاتسيالاۋ, ادامنان ادامعا جانە جانۋارلاردان ادامعا ترانسپلانتتاۋ ءتارتىبى
18. تىندەردى جانە (نەمەسە) اعزالاردى (اعزالاردىڭ بولىكتەرىن) ترانسپلانتتاۋدى بەيىن بويىنشا مامانداندىرۋدان وتكەن دارىگەرلەر جۇزەگە اسىرادى. 19. تىندەردى جانە (نەمەسە) اعزالاردى (اعزالاردىڭ بولىكتەرىن) ترانسپلانتتاۋ قاتال مەديتسينالىق ايعاقتار بويىنشا جۇرگىزىلەدى. 20. ينفەكتسيا جۇقتىرعان تىندەردى جانە (نەمەسە) اعزالاردى (اعزالاردىڭ بولىكتەرىن) ترانسپلانتتاۋعا تىيىم سالىنادى. 21. تىندەردى جانە (نەمەسە) اعزالاردى (اعزالاردىڭ بولىكتەرىن) ترانسپلانتتاۋ رەتسيپيەنتتىڭ, ال مۇمكىن بولماعان جاعدايدا ونىڭ جۇبايىنىڭ نەمەسە جاقىن تۋىسىنىڭ نە كامەلەتكە تولماعان رەتسيپيەنتتىڭ نەمەسە سوت ارەكەتكە قابىلەتسىز دەپ تانىعان رەتسيپيەنتتىڭ زاڭدى وكىلىنىڭ جازباشا كەلىسىمىمەن جۇزەگە اسىرىلادى. 22. رەتسيپيەنت, ونىڭ جۇبايى نە جاقىن تۋىسى نەمەسە كامەلەتكە تولماعان رەتسيپيەنتتىڭ نەمەسە سوت ارەكەتكە قابىلەتسىز دەپ تانىعان رەتسيپيەنتتىڭ زاڭدى وكىلى دەنساۋلىق ساقتاۋ ۇيىمدارىنان تىندەردى جانە (نەمەسە) اعزالاردى (اعزالاردىڭ بولىكتەرىن) ترانسپلانتتاۋ بويىنشا الداعى حيرۋرگيالىق ارالاسۋلارعا بايلانىستى ونىڭ دەنساۋلىعىندا ورىن الۋى ىقتيمال اسقىنۋ تۋرالى تولىق اقپاراتتى تالاپ ەتۋگە قۇقىلى. 23. تىندەردى جانە (نەمەسە) اعزالاردى (اعزالاردىڭ بولىكتەرىن) الۋ مەن ترانسپلانتتاۋدى جۇزەگە اسىراتىن دارىگەرلەر ايتۆ ينفەكتسياسىنا, مەرەزگە, ۆ جانە س گەپاتيتتەرىنە التى ايدا ءبىر رەت تەكسەرىپ-قارالۋعا جاتادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2013 جىلعى 30 قازانداعى نورماتيۆتىك قۇقىقتىق كەلىسىمدەردى مەملەكەتتىك تىركەۋدىڭ تىزىلىمىنە №8866 بولىپ ەنگىزىلدى.
