«2022 جىلى 914 جوبانى ىسكە اسىرۋعا 100 ملرد تەڭگە ءبولىندى, ولار دامۋ الەۋەتى بار 492 اۋىلدا جۇزەگە اسىرىلادى», دەدى الىبەك قۋانتىروۆ قر پارلامەنتى ماجىلىسىندەگى ۇكىمەت ساعاتىندا سويلەگەن سوزىندە.
ءمينيستردىڭ ايتۋىنشا, بۇل قاراجات تۇرعىن ءۇي-كوممۋنالدىق شارۋاشىلىق سالاسىندا-95, الەۋمەتتىك ينفراقۇرىلىمدا-313, ءبىلىم بەرۋ جوبالارىندا – 123, دەنساۋلىق ساقتاۋ سالاسىندا – 51, مادەنيەت سالاسىندا - 62 جانە سپورتتا – 77 جوبانى ىسكە اسىرۋعا مۇمكىندىك بەرەدى.
«سونداي-اق, كولىك ينفراقۇرىلىمىنىڭ 506 جوباسى جۇزەگە اسىرىلادى», دەدى الىبەك قۋانتىروۆ.
بۇدان بۇرىن حابارلانعانداي, قر-دا ءۇش مىڭنان استام اۋىل جاڭعىرتىلادى.
ايانا توعانبەك
