وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتىنەن ءمالىم ەتكەندەي, وقىس وقيعا بۇگىن, 24 ساۋىردە ساعات 01:30-دا بولعان.
«قۇرمانعازى اۋدانىندا اعايىندى ەكى جىگىتتىڭ بىرلىك اۋىلىنان 35 شاقىرىم قاشىقتاعى قيعاش وزەنىنە بالىق اۋلاۋعا بارعان. تۇنگى ساعات 01:30-دا اعايىندى جىگىتتەر وتىرعان قايىق اۋدارىلعان. اعايىندىنىڭ ۇلكەنى ءوز بەتىمەن جاعالاۋعا شىققان. ال, 1993 جىلعى ءىنىسى قيعاش وزەنىنە باتىپ كەتكەن», دەپ ءمالىم ەتتى دەپارتامەنتتىڭ ءباسپاسوز قىزمەتىنەن.
قيعاش وزەنىنەن باتقان جىگىتتى ىزدەستىرۋ بۇگىن, 24 ساۋىردە ساعات 10:30-دا باستالدى. توتەنشە جاعدايلار دەپارتامەنتىنىڭ 7 قىزمەتكەر سۋعا باتىپ كەتكەن جىگىتتىڭ ءمايىتىن ساعات 13:45-تە تاۋىپ, سۋدان شىعارعان.
