سايلاۋ ۋچاسكەلەرى جەكسەنبىدە جەرگىلىكتى ۋاقىت بويىنشا 8.00-دە اشىلعان, وندا پرەزيدەنتتىك سايلاۋدىڭ ەكىنشى جانە شەشۋشى تۋرى ءوتىپ جاتىر. كەلەسى بەس جىل ىشىندە مەملەكەتتى باسقارۋ قۇقىعىنا يە بولۋ ءۇشىن قازىرگى پرەزيدەنت ەممانۋەل ماكرون جانە وڭشىل «ۇلتتىق بىرلەستىك» پارتياسىنىڭ جەتەكشىسى مارين لە پەن باقتالاسىپ جاتىر.
پاريجدەگى بىرنەشە ۋچاسكەدە تاڭەرتەڭ ادامدار جاڭا پرەزيدەنتكە داۋىس بەرۋ ءۇشىن كەزەككە تۇردى. كەيبىر ۋچاسكەلەردە بىرنەشە پوليتسيا قىزمەتكەرى ءتارتىپتى قامتاماسىز ەتىپ تۇر. قالادا جاعداي قالىپتى ەكەنى ايتىلدى.
فرانتسيا پرەزيدەنتى جالپىعا بىردەي تىكەلەي جاسىرىن داۋىس بەرۋ ارقىلى بەس جىلعا سايلانادى. سايلاۋعا 49 ميلليونعا جۋىق سايلاۋشى قاتىسا الادى. داۋىس بەرۋ ەكى تۋر بويىنشا وتەدى, ءبىرىنشىسى 10 ساۋىردە ءوتتى, وعان 12 كانديدات قاتىسقان ەدى.
ەكىنشى تۋرعا ماكرون مەن لە پەن ءوتتى. فرانتسيانىڭ ىشكى ىستەر مينيسترلىگىنىڭ مالىمەتىنشە, قازىرگى پرەزيدەنت 27,84 پايىز داۋىس جيناعان, «ۇلتتىق بىرلەستىكتىڭ» جەتەكشىسى 23,15 پايىز داۋىس جيناعان.
