بۇعان دەيىن مينيسترلىك اتىراۋ وبلىسىندا بەلگىسىز اۋرۋدىڭ سالدارىنان جىلقى ءولىمى تىركەلگەنىن حابارلاعان بولاتىن.
اتىراۋ وبلىسىنا شارۋالارعا عىلىمي-پراكتيكالىق كومەك كورسەتۋ, ەپيزووتولوگيالىق زەرتتەۋلەر جۇرگىزۋ ءجانا جىلقىلار اراسىند اۋرۋ دياگنوزىن قويۋ ءۇشىن سىناما الۋ ماقساتىندا قازاق ۆەتەريناريالىق عىلىمي-زەرتتەۋ ينستيتۋتى مەن بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتىنىڭ عىلىمي قىزمەتكەرلەرى باردى.
«زەرتتەۋ ناتيجەسىندە جانۋارلاردا دەليافونديوز, گاستروفيلەز جانە پاراسكاريدوز پارازيتتىك اۋلۋلارى انىقتادى. قولدا بار دەرەكتەر بويىنشا جانۋارلاردىڭ جاپپاي قىرىلۋى مەن اۋرۋىنىڭ نەگىزگى سەبەبى وسى دياگنوزدار. اۋرۋمەن كۇرەسۋ ءۇشىن عالىمدار جانۋارلاردىڭ يەلەرى مەن ۆەتەرينارلارعا پارازيتتىك اۋرۋلار مەن گەلمينتوزداردى الدىن-الۋ جانە ۋاقتىلى ەمدەۋدى ۇسىنادى», دەلىنگەن حابارلامادا.
اۋىل شارۋاشىلىعى ءمينيسترىنىڭ بۇيرىعىنا سايكەس جانۋارلاردىڭ اسا قاۋىپتى اۋرۋلارىنىڭ تىزبەسىنە سايكەس جانۋارلاردىڭ پروفيلاكتيكا, دياگنوستيكاسى جانە جويىلۋى بيۋدجەت ەسەبىنەن جۇرگىزىلەدى. ال قالعان اۋلاردىڭ, ونىڭ ىشىندە پارازيتتىك اۋلاردىڭ ۆەتەريناريالىق ءىس-شارالارى جانۋار يەلەرىنىڭ ەسەبىنەن جۇرگىزىلەتىنى حابارلاندى.
قر اشم ۆەتەرينارلىق باقىلاۋ جانە قاداعالاۋ كوميتەتى عىلىمي-زەرتتەۋ ينستيتۋترى ماماندارىنىڭ وبلىسقا جاساعان ساپارلارىنىڭ قورىتىندىسى بويىنشا ارنايى جينالىس وتكىزدى. جيىنعا قازاقستاننىڭ جىلقى وسىرۋشىلەر قاۋىمداستىعىنىڭ مۇشەلەرى, عالىمدار, اشم اۋماقتىق ينسپەكتسياسىنىڭ جانە اكىمدىكتىڭ وكىلدەرى قاتىستى.
كەزدەسۋ قورىتىندىسى بويىنشا مينيسترلىك فەرمەرلەرمەن كەزدەسۋ الاڭىن ۇسىنۋعا ال عىلىمي-زەرتتەۋ ينستيتۋتتارىنىڭ ماماندارى فەرمەرلەرگە جان-جاقتى قولداۋ كورسەتىپ, جانۋارلاردى دياگنوستيكالاۋ مەن ەمدەۋدىڭ ءتيىمدى ادىستەرى تۋرالى كومەك كورسەتۋگە دايىن ەكەنىن جەتكىزدى.
ەپيزووتيالىق جاعداي قر اۋىل شارۋاشىلىعى مينيسترلىگىنىڭ باقىلاۋىندا.
