ەلوردا جولدارىنداعى قۇقىقبۇزۋشىلىق دەڭگەيىن تومەندەتۋ ماقساتىندا «پاركوۆوچنوە پروسترانستۆو استانى» جشس-ءنىڭ ارنايى «دوزور-م» فوتو-بەينە جازبا كەشەندەرىنىڭ كومەگىمەن كولىكتەردىڭ توقتاۋى جانە ءجۇرۋى تىركەلەتىن بولادى.
«دوزور-م» كەشەندەرى زاڭناماعا سايكەس مىندەتتى سەرتيفيكاتتاۋدان جانە تىركەۋدەن ءوتتى. بەلگىلەنبەگەن جەردەن اۆتوكولىكتەردى تابۋ فاكتىلەرىن, كولىكتىڭ ناقتى ۋاقىتى مەن ورنىن انىقتاۋ جانە تىركەۋ GPS/GLONASS جۇيەسى ارقىلى جۇزەگە اسىرىلادى», دەپ حابارلادى كومپانيا.
جۇرگىزۋشىلەرگە كولىك قۇرالدارىن دۇرىس قويماۋ, رۇقساتسىز جەرگە قويۋ ەرەجەلەرىن بۇزۋعا جول بەرگەنى ءۇشىن اقبتك-ءنىڭ 597-بابى بويىنشا 5-تەن 10 اەك-كە دەيىن ايىپپۇل تۇرىندە جاۋاپكەرشىلىك كوزدەلگەن.
كومپانيادا كولىكتى بەلگىلەنبەگەن جەردە قويۋ جانە تۇراققا دۇرىس قويماۋ قۇقىق بۇزۋشىلىقتىڭ ءجيى كەزدەسەتىن تۇرلەرىنىڭ ءبىرى, سوندىقتان جول قوزعالىسى جاعدايىن قيىنداتادى. جاڭاشىلدىق جول قوزعالىسىنا قاتىسۋشىلار اراسىنداعى قۇقىق بۇزۋشىلىقتى ازايتىپ, جۇرگىزۋشىلەردىڭ ءتارتىبىن جاقسارتادى دەپ كۇتىلەدى.
«جۇرگىزۋشىلەر اراسىنداعى قۇقىق بۇزۋشىلىقتىڭ سانىن ازايتۋ ماقساتىندا نۇر-سۇلتان قالالىق ءىىب اكىمشىلىك پوليتسيا باسقارماسىنىڭ ۇسىنىسى بويىنشا بۇزۋشىلىقتاردى تۇزەتۋ جۇمىستارى جۇرگىزىلدى. داۋلى ىستەردى پوليتسيا قىزمەتكەرلەرى قارايدى. ايىپپۇلدان تۇسكەن بارلىق قاراجات قالا بيۋدجەتىنە تۇسەدى», دەپ ءتۇسىندىردى كومپانيا.
