ءباسپاسوز قىزمەتىنىڭ مالىمەتتەرىنە قاراعاندا, بۇدان بۇرىن, نۇر-سۇلتان قالاسى بايقوڭىر اۋدانىنىڭ №2 سوتىنىڭ 2020 جىلعى 18 قىركۇيەكتەگى ۇكىمىمەن قاراشەۆ ء(سىم-ءنىڭ بۇرىنعى جاۋاپتى حاتشىسى) لاۋازىمدىق وكىلەتتىكتەرىن اسىرا پايدالانعانى (قك-ءنىڭ 361-بابى 4-بولىگىنىڭ 3-تارماعى), ال وتەمباەۆ (قازاقستاننىڭ وزبەكستانداعى بۇرىنعى ەلشىسى) پەن نۇرەكەنوۆ (مەردىگەرلىك ۇيىمنىڭ ديرەكتورى) كورسەتىلگەن ارەكەتتەرگە جاردەمدەسكەنى ءۇشىن (قك-ءنىڭ 28-بابىنىڭ 5-بولىگى, 361-بابى 4-بولىگىنىڭ 3-تارماعى) كىنالى دەپ تانىلعان.
پروكۋرور قاراشەۆتى پارا الدى جانە قىلمىستىق جولمەن الىنعان اقشانى زاڭداستىردى دەگەن ايىپتان باس تارتتى, سايكەسىنشە ءىستىڭ وسى بولىگى توقتاتىلدى. كاسساتسيا ءىستى زەردەلەپ, سوتتالعانداردى اقتاۋدى سۇراعان ادۆوكاتتاردى, ءىستى جاڭا قاراۋعا جىبەرۋدى ۇسىنعان پروكۋروردى تىڭداي كەلە, كەلەسى تۇجىرىمعا كەلدى.
ء«ىس بويىنشا سوتقا دەيىنگى تەرگەپ-تەكسەرۋ مەن سوت تەرگەۋى بىرجاقتى ءارى جارىم-جارتىلاي جۇرگىزىلگەن. ايىپتاۋ اكتىسىنە سايكەس, قاراشەۆ, وتەمباەۆ پەن نۇرەكەنوۆ قازاقستاننىڭ وزبەكستانداعى ەلشىلىگىنىڭ قۇرىلىسى بويىنشا ورىندالعان جۇمىستار اكتىسىنە قول قويعان, ناتيجەسىندە بيۋدجەتكە 53 ملن تەڭگە سوماسىندا (ورىندالعان جانە اكتىلەردە كورسەتىلگەن جۇمىستاردىڭ ايىرماشىلىعى) زالال كەلگەن. ءبىرىنشى ساتىداعى سوت ساراپتاما ەسكەرمەگەن ماتەريالدار مەن مەردىگەردىڭ شوتتارىنداعى قاراجات قالدىعىن 53 ملن تەڭگەدەن الىپ تاستاپ, زالال مولشەرىن 22 ملن تەڭگە دەپ تانىعان», دەلىنگەن حابارلامادا.
وسى رەتتە تەرگەۋ مەن سوت ورگاندارى مىناداي ءمان-جايلاردى انىقتاماعان:
- ەلشىلىك عيماراتىنىڭ قۇرىلىسىن باسقا مەردىگەر باستاعان. تاعىلعان ايىپتىڭ نەگىزىنە الىنعان ساراپتاما قورىتىندىسى بويىنشا الدىڭعى مەردىگەر 274 284 632 تەڭگە كولەمىندەگى (ورىندالعان جانە اكتىلەردە كورسەتىلگەن جۇمىستار قۇنىنىڭ ايىرماشىلىعى) جۇمىستى ورىنداماعان. سوت شەشىمىمەن اتالعان مەردىگەر مەملەكەتتىك ساتىپ الۋدىڭ جوسىقسىز قاتىسۋشىسى دەپ تانىلعان. نۇرەكەنوۆ باستاعان مەردىگەر كەمشىلىكتەرى بار, اياقتالماعان نىساندى قابىلداپ, قۇرىلىستى سوڭىنا دەيىن جەتكىزگەن. نىسان 2019 جىلى پايدالانىلۋعا بەرىلگەن.
- قالدىق جۇمىستارعا ارنالعان جوبالىق-سمەتالىق قۇجاتتاما (نارىقتىق باعالاردىڭ وزگەرۋىن, الدىڭعى مەردىگەر ورىنداماعان جۇمىس كولەمىن ەسكەرە وتىرىپ) بەكىتىلمەگەن. ياعني, جۇمىس تۇرلەرى مەن ولاردىڭ قۇنى تاپسىرىس بەرۋشى مەن مەردىگەر اراسىندا كەلىسىلمەگەن. الدىڭعى مەردىگەر جۇمىس ىستەگەن جانە ونىڭ سايكەستىگىنە ساراپتاما جۇرگىزىلگەن جسق-نىڭ كەمشىلىگى مەن ونى تۇزەتۋ قاجەتتىگىن نۇرەكەنوۆ باسشىلىق ەتكەن مەردىگەردىڭ اكتىلەردە كوزدەلمەگەن 59 ملن تەڭگەدەن استام سوماعا جۇمىستار ورىندالعانىن ايعاقتايدى.
- باقىلاۋعا الۋ ماقساتىنداعى ولشەۋ اكتىسى نەگىزىندە جۇرگىزىلگەن ساراپتاما 2018 جىلى ورىندالعان. ال نىسان 2019 جىلى پايدالانۋعا بەرىلگەن. ياعني, قۇرىلىس اياقتالعاننان كەيىن ورىندالعان جۇمىستاردىڭ كولەمى ەسەپتەلمەگەن.
- ايىپتاۋ اكتىسىندە قىلمىستىق قۋدالاۋ ورگاندارى ەلشىلىكتىڭ قۇرىلىسىنا بولىنگەن اقشا قاراجاتىن جىمقىرعانى تۋرالى دالەلدەردى ۇسىنباعان. وزبەكستان رەسپۋبليكاسىندا بارلىق ەسەپ ايىرىسۋ قولما-قول اقشاسىز جۇرگىزىلەدى. شوتتاعى, قولما-قول اقشانىڭ الىنعانى, ماتەريالداردىڭ نەمەسە جابدىقتاردىڭ ساتىلعانى انىقتالماعان. مەردىگەردىڭ كاسىپورنى ءسىم-ءنىڭ شارۋاشىلىق باسقارماسىنا ۆەدومستۆولىق باعىنىستى ۇيىم بولىپ تابىلادى.
«وسىنىڭ بارلىعى زالال فاكتىسى مەن سوماسى تۋرالى ماسەلەنى تەكسەرۋ قاجەتتىگىن بىلدىرەدى. زاڭ تالاپتارىنا سايكەس سوت تەرگەۋىن جۇرگىزۋگە جانە جاڭا دالەلدەمەلەردى زەرتتەۋگە كاسساتسيالىق سوت ۋاكىلەتتى ەمەس. وسىلايشا سوت اكتىلەرىنىڭ كۇشى جويىلىپ, ءىس اپەللياتسيالىق ساتىعا قايتا قاراۋعا جىبەرىلدى», دەلىنگەن جوعارعى سوتتىڭ وسى ىسكە قاتىستى دەرەكتەرىندە.
