- وبلىس بويىنشا 8 اكۋشەرلىك ستاتسيوناردا كومەك كورسەتىلەدى. ونىڭ بىرەۋى وبلىستىق پەريناتالدىق ورتالىعى - ءۇشىنشى دەڭگەيلى كومەك كورسەتۋ ورنى. جاڭاوزەن مەن اقتاۋ قالالىق پەرزەنتحاناسى - ەكىنشى دەڭگەيلى كومەك كورسەتۋ ورنى. سونداي-اق 5 اكۋشەرلىك ستاتسيونار بار. ولار تۇپقاراعان, قاراقيا, ماڭعىستاۋ, بەينەۋ اۋدانى مەن جەتىباي اۋىلىندا ورنالاسقان. ساناۆياتسيامەن 20 نارەستەنى رەسپۋبليكالىق مەديتسينالىق كومەك كورسەتۋ ورتالىقتارىنا جىبەردىك, - دەيدى جاپىراق ەپەنوۆا.
سپيكەردىڭ ايتۋىنشا وڭىردە كادر تاپشىلىعى بار. وبلىس 85 پايىز اكۋشەر گينەكولوگتارمەن, 84 پايىز رەانيماتولوگتارمەن, 65 پايىز دارىگەر-نەاناتولوگتارمەن, 100 پايىز ورتا بۋىن قىزمەتكەرلەرىمەن قامتىلعان.
- ءبىزدىڭ وبلىستىق پەريناتالدىق ورتالىقتا دا نەوناتالدى وتا, ياعني جاس سابيلەردىڭ ىشكى قۇرىلىسىنا وتا جاسالادى. ماسەلەن, 2021 جىلى 21 بالاعا كومەك كورسەتىلدى. بيىلدىڭ وزىندە 2 وتا جاسالىپ, ءساتتى اياقتالدى. 2020 جىلدىڭ اقپان ايىنان باستاپ ماڭعىستاۋ وبلىسىندا مەديتسينالىق جەتىستىكتەردىڭ ءبىرى - ينۆازيۆتىك دياگنوستيكا. بۇل - وتە كۇردەلى دياگنوستيكالىق زەرتتەۋ. ماسەلەن, بالانىڭ قاعاناق سۋى الىپ, زەرتتەلەدى. ول سيرەك كەزدەسەتىن اۋرۋلارعا كۇمان بولعان جاعدايدا نەمەسە حروموسومدىق پاتولوگياعا كۇمان بولعان جاعدايدا تەكسەرىلەدى. بيىل 2022 جىلى پيلوتتىق جوبا بويىنشا زەرتتەۋ باستالدى. 3 اي ىشىندە ءبىز 2 بالانىڭ ءاناليزىن مولەكۋلارلىق مەديتسينا ورتالىعىنا جىبەردىك, - دەدى ج. ەپەنوۆا.
