قوعام • 21 ءساۋىر، 2022

سەنگەنىمىز «استاناەنەرگوسبىت» بولسا...

30 رەت كورسەتىلدى

ەلوردالىق ۇيلەردىڭ جىلۋى مەن جارىعىن ەسەپتەيتىن «استاناەنەرگوسبىت» جشس ۇستىنەن تۇرعىندار ءجيى شاعىمدانىپ جاتادى. جاقىندا استانالىق تۇتىنۋشىلاردىڭ وتىنىشتەرى نەگىزىندە ۇلتتىق ەكونوميكا مينيسترلىگى تابيعي مونوپوليالاردى رەتتەۋ كوميتەتى نۇر-سۇلتان قالاسى بويىنشا اۋماقتىق دەپارتامەنتپەن بىرىگىپ، كاسىپورىنعا تەكسەرۋ جۇرگىزىپ، ءبىراز زاڭسىزدىقتىڭ بەتىن اشتى.

كاسىپكەرلىك كودەكسىنە ساي «استاناەنەرگوسبىت» جشس – باعالاردى مەملەكەتتىك تۇرعىدان رەتتەي وتىرىپ، باعا بەلگىلەۋ ءتارتىبىن ساقتاۋعا ءتيىس نارىق سۋبەكتىسى. قالا تۇرعىندارى وسى كاسىپورىنعا سەنىپ، ولار تۇبىرتەككە جازىپ جىبەرەتىن تولەماقىنى اي سايىن تولەپ وتىر. تۇرعىنداردىڭ كوبى ء«ۇيدىڭ ورتاق قاجەتتىلىگىنە جۇمسالاتىن ەنەرگيا شىعىنى نەگە كوپ، ەلەكتر جارىعىنىڭ تولەماقىسى نەگە بىردە كوپ، بىردە از كەلەدى؟» دەپ سۇرامايدى دا. قانداي تولەم ەسەپتەلدى، سونى تولەپ جۇرە بەرەدى. بىراق سوڭعى كەزدە جشس ۇستىنەن شاعىمدانعان تۇرعىندار كوبەيگەن سەكىلدى. سول سەبەپتى ءتيىستى مەملەكەتتىك مەكەمە جشس-عا جوسپاردان تىس تەكسەرۋ جۇرگىزۋدى قولعا العان. كوپ ۇزاماي ونىڭ قورىتىندىسى دا جاريالاندى.

ناتيجەنى ساراپتاساق، «استاناەنەرگوسبىت» جشس ەلەكتر ەنەرگياسىن تۇتىنۋ كولەمىنە بايلانىستى تاريفتەردى سارالاۋ كەزىندە تولەم سومالارىن ەسەپتەۋ ءتارتىبىن ورەسكەل بۇزعانى انىقتالعان. سونىڭ سالدارىنان تۇتىنۋشىلار ەلەكتر ەنەرگياسىنا نەگىزسىز جوعارى سوما تولەپ كەلگەن. اي سايىنعى ەنەرگيا شىعىنى تولەمىن تەكسەرۋگە ءوتىنىم بەرگەن 56 تۇتىنۋشىنىڭ 32-سىنە 129 مىڭ تەڭگە مولشەرىندە نەگىزسىز تولەماقى قويىلعان.

«مىسالى، تۇتىنۋشىلاردىڭ ءبىرىنىڭ ءتورت ايدا تولەگەن ارتىق تولەمى 17 مىڭ تەڭگەنى قۇراعان. تولەمدەردى نەگىزسىز وسىرۋگە بايلانىستى «استاناەنەرگوسبىت» جشس-نا قا­تىستى قازاقستان رەسپۋبليكاسىنىڭ اكىمشىلىك قۇقىق بۇزۋ­شىلىق تۋرالى كودەكسىنىڭ 167-بابى بويىنشا اكىم­شىلىك ءىس قوزعالدى، وعان سايكەس 2000 اەك نەمەسە 6 ملن تەڭگەدەن جوعارى مولشەردە ايىپپۇل كوزدەلدى»، دەلىنگەن ۇلتتىق ەكونوميكا مينيسترلىگىنىڭ رەسمي سايتىندا جارىق كورگەن حابارلامادا.

ەندى «استاناەنەرگوسبىت» جشس ەلەكتر ەنەرگياسىن تۇتىنۋ كولەمى زاڭسىز ەسەپتەلگەن ەلوردالىقتاردىڭ تولە­مىن قايتا قاراپ، زاڭسىز الىنعان اقشانى تۇرعىندارعا قايتارۋعا ءتيىس. تۇتىنۋشىلار دا تۇبىرتەكتەگى تولەماقى ارتىق ەسەپتەلگەنىن بايقاسا، ونى قايتا ەسەپتەۋ ءۇشىن «استاناەنەرگوسبىت» جشس-عا جۇگىنۋگە قۇقىسى بار. ال «استاناەنەرگوسبىت» تولەماقىنى قايتا ەسەپتەۋدەن نەگىزسىز باس تارتسا، وندا ازاماتتار ۇلتتىق ەكونوميكا مينيسترلىگى تابيعي مونوپوليالاردى رەتتەۋ كوميتەتىنىڭ نۇر-سۇلتان قالاسى بويىنشا دەپارتامەنتىنىڭ كومەگىنە جۇگىنە الادى.

وسىنىڭ الدىندا دا «استاناەنەرگوسبىت» جشس-نىڭ باسى داۋعا قالعان ەدى. ەلوردالىق تۇتىنۋشىلار تاعى دا ۇلتتىق ەكونوميكا مينيسترلىگى تابيعي مونوپوليالاردى رەتتەۋ كوميتەتىنىڭ نۇر-سۇلتان قالاسى بويىنشا دەپار­تا­مەنتىنە شاعىم تۇسىرگەن. سوعان بايلانىستى جوسپاردان تىس تەكسەرۋ جۇرگىزگەن كەزدە كاسىپورىننان كاسىپكەرلىك كودەكسىنىڭ نورمالارىن بۇزۋ فاكتىلەرى انىقتالعان. «اس­تا­نا­ەنەرگوسبىت» جشس 2021 جىلعى قاراشا، جەلتوقسان ايلارىندا جانە 2022 جىلعى قاڭتار ايىندا تۇتىنۋشىلارعا ەلەكتر ەنەرگياسىن پايدالانۋ قاعيدالارىنىڭ 64-تارماعىنا سايكەس ورتاشا تاۋلىكتىك ەسەپتەۋ بويىنشا كورسەتكىشتەر قويعان. نەگىزىندە قازاقستان رەسپۋبليكاسىنىڭ ازاماتتىق كودەكسى، «ەلەكتر ەنەرگەتيكاسى تۋرالى» زاڭى جانە تۇر­مىس­تىق تۇتىنۋشىلارعا ارنالعان ەلەكترمەن جاب­دىق­تاۋدىڭ ۇلگىلىك شارتى بويىنشا تۇتىنۋشىلاردىڭ تۇتىنعان ەلەكتر ەنەرگياسى ءۇشىن اقى تولەۋى كوممەرتسيالىق ەسەپكە الۋ اسپاپتارىنىڭ ناقتى كورسەتكىشتەرى نەگىزىندە جۇرگىزىلۋگە ءتيىس. وسىلايشا، «استاناەنەرگوسبىت» جشس-عا قاتىستى قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 167-بابى بويىنشا 6 126 000 تەڭگە كولەمىندە ايىپپۇل قاراستىرىلعان اكىمشىلىك قۇقىق بۇزۋشىلىق تۋرالى حاتتاما تولتىرىلدى»، دەلىنگەن ۇەم سايتىنداعى مالىمەتتە.

الايدا «استاناەنەرگوسبىت» جشس اكىمشىلىك قۇقىق بۇزۋشىلىق تۋرالى حاتتامامەن كەلىسپەگەن. ماتەريالداردى نۇر-سۇلتان قالاسىنىڭ اكىمشىلىك قۇقىق بۇزۋشىلىق جونىندەگى مامانداندىرىلعان اۋدانارالىق سوتىنا قاراۋعا بەرۋ تۋرالى ءوتىنىش جاساعان.

سوڭعى جاڭالىقتار

ۆاكتسينا سالدىرعاندار سانى ارتتى

كوروناۆيرۋس • بۇگىن، 09:17

1227 قازاقستاندىق ىندەتتەن ساۋىقتى

كوروناۆيرۋس • بۇگىن، 09:08

وتكەن تاۋلىكتە 1169 ادام ىندەت جۇقتىردى

كوروناۆيرۋس • بۇگىن، 09:01

قارسىلاستار انىقتالدى

سپورت • بۇگىن، 08:47

پۋتينتسەۆا ۇتىلىپ قالدى

سپورت • بۇگىن، 08:46

مەرەي كۇمىس الدى

سپورت • بۇگىن، 08:45

سەربيادان ولجالى ورالدى

سپورت • بۇگىن، 08:43

تەمىرتاۋدا گاز تۇتاندى

ايماقتار • بۇگىن، 08:43

جومارت جاننىڭ جاقسىلىعى كوپ

قوعام • بۇگىن، 08:40

مەدال سانى 70-تەن استى

سپورت • بۇگىن، 08:38

ادەبيەتتانۋ تارلانى

ادەبيەت • بۇگىن، 08:33

شۇمەكتەن شىققان سۋ مەن شۋ

قوعام • بۇگىن، 08:23

«اينەگىڭىزدى جۋىپ بەرەيىك»

قوعام • بۇگىن، 08:21

ۇقساس جاڭالىقتار