قۇجات ازىرلەۋشىلەرىنىڭ ايتۋىنشا, قازىرگى زامانعى سىن-قاتەرلەر پروكۋراتۋرانىڭ قۇقىق قورعاۋ الەۋەتىن كۇشەيتۋدى جانە جوعارى قاداعالاۋ ورگانىن جاڭعىرتۋدى, پروكۋرورلار قىزمەتىنىڭ كەپىلدىكتەرىن نىعايتۋدى تالاپ ەتەدى.
«پروكۋراتۋرا تۋرالى» جاڭا زاڭدا زاڭدىلىقتى ساقتاۋدى نەعۇرلىم ءتيىمدى قامتاماسىز ەتۋگە, ازاماتتاردىڭ قۇقىقتارى مەن بوستاندىقتارىن, بيزنەستىڭ, قوعام مەن مەملەكەتتىڭ مۇددەلەرىن قورعاۋعا جانە قالپىنا كەلتىرۋگە مۇمكىندىك بەرەتىن پارمەندى قۇرالدار مەن تەتىكتەردى بەكىتۋ جوسپارلانىپ جاتىر.
اتاپ ايتقاندا, پروكۋرور اكتىلەرىنىڭ قولدانىستاعى جۇيەسىن قىلمىستىق قۋدالاۋ سالاسىنداعى اكتىلەرمەن تولىقتىرۋ ۇسىنىلادى, ولاردىڭ ءتارتىبى قىلمىستىق ءىس جۇرگىزۋ زاڭناماسىنىڭ نورمالارىمەن رەتتەلەدى.
ينستيتۋتسيونالدىق وزگەرىستەرمەن قاتار پروكۋرورلىق قاداعالاۋ اكتىلەرىنىڭ جۇيەسىن كەڭەيتۋ ۇسىنىلادى. بۇل اكتىلەر ازاماتتاردىڭ قۇقىقتارىن, قوعام مەن مەملەكەتتىڭ مۇددەلەرىن جىلدام قورعاۋ ماقساتىندا قولدانىلادى.
بۇدان باسقا پروكۋراتۋرا قىزمەتىنىڭ قۇقىقتىق كەپىلدىكتەرىن نىعايتۋ كوزدەلگەن.
ازىرلەۋشىلەردىڭ ايتۋىنشا, قولدانىستاعى زاڭناما پروكۋراتۋرا ورگاندارىنىڭ كونستيتۋتسيالىق الەۋەتىن تولىق پايدالانۋعا مۇمكىندىك بەرمەيدى.
سونداي-اق تەكسەرۋلەردى جۇرگىزۋ جانە تاعايىنداۋ ءتارتىبىن قايتا قاراۋ قاجەتتىلىگى تۋىنداپ تۇر.
قۇجات 16 مامىرعا دەيىن اشىق نقا سايتىندا جاريا تالقىلاۋ ءۇشىن ورنالاستىرىلعان.
