«رەفورمالاۋ تۋرالى ايتساق, مەملەكەت باسشىسى ناقتى تاپسىرما بەردى. ەندى سونىڭ جولدارىن قارايمىز. ەڭ ءتيىمدى دەگەنىن ۇكىمەتكە ۇسىنامىز», دەدى باعدات مۋسين.
ءمينيستردىڭ ايتۋىنشا, رەفورمالاۋ ماسەلەسى كەشەندى اۋقىمدا قارالىپ جاتىر.
«ەسەپ كوميتەتى حولدينگتىڭ 2016-2018 جىلدارداعى جۇمىسىنا تالداۋ جاسادى. كەيىنگى ءبىر جىلدا حولدينگتىڭ قۇرامىنداعى كومپانيالاردىڭ تيىمدىلىگىن ارتتىرۋ باعىتىندا جۇمىس ىستەدىك. تيىمدىلىكتىڭ وسكەنىن ساندار كورسەتىپ تۇر. ەگەر ەسەپ كوميتەتى نۇسقاۋ بەرسە, قايتا وتىرىپ, «زەردە» حولدينگىنىڭ جۇمىسىن ءتيىمدى ەتۋ, رەفورمالاۋ ماسەلەلەرىن قاراستىرامىز. قازاقستاندا تسيفرلاندىرۋمەن 10-15 كومپانيا اينالىسادى. بۇل جۇمىسقا ءتۇرلى كومپانيالاردىڭ قاتىسۋى ءبىزدى جىگەرلەندىرە تۇسەدى. ويتكەنى ارقايسىسىنىڭ ءوز پىكىرى بار. ارقايسىسى ءوز جۇمىسىن ىستەيدى», دەدى باعدات مۋسين.
ەسكە سالا كەتسەك, قاسىم-جومارت توقاەۆ «زەردە» حولدينگىن رەفورمالاۋ تۋرالى تاپسىرما بەرگەن ەدى.
