اتىراۋ وبلىسى بويىنشا كەدەندىك باقىلاۋ دەپارتامەنتى كونترابانداعا قارسى كۇرەس باسقارماسى قىزمەتكەرلەرىمەن جەدەل – ىزدەستىرۋ شاراسىن جۇرگىزۋ كەزىندە بەلگىسىز تۇلعامەن كەدەندىك وداق اۋماعىنا 2011 جىلى شىققان «MAZDA-6» ماركالى اۆتوكولىگى اكەلىنگەندىگى انىقتالدى. بۇل تۋرالى دەپارتامەنتتىڭ ءباسپاسوز قىزمەتى حابارلادى.
اتالعان اۆتوكولىكتى بەلارۋس رەسپۋبليكاسىنان قازاقستان اۋماعىنا اكەلىپ, اتىراۋ قالاسىنىڭ تۇرعىنىنا ساتقان. كەيىن ول اتىراۋ وبلىستىق سالىق دەپارتامەنتىنە كەدەندىك وداققا مۇشە ەلدەن اكەلىنگەن تاۋار رەتىندە 12 پايىز كولەمىندە قوسىمشا قۇن سالىعىن تولەگەن.
جەدەل تەكسەرۋ كەزىندە وبلىستىق ىشكى ىستەر دەپارتامەنتىنىڭ اكىمشىلىك پوليتسيا باسقارماسىنان اتالعان اۆتوكولىكتى تىركەۋگە قويۋعا نەگىز بولعان قۇجاتتار الىندى. قۇجات بويىنشا «MAZDA-6» ماركالى اۆتوكولىگى بەلارۋس رەسپۋبليكاسىنىڭ گرودنو قالاسىندا ساتىلىپ, ساتۋ ساتىپ-الۋ ەسەپ–انىقتاماسى بىرىڭعاي ساۋدا كاسىپورنى «دوروگا» دۇكەنىندە رەسىمدەلگەن. اۆتوكولىك يەسى بەلارۋس رەسپۋبليكاسىنىڭ گرودنو قالاسىنىڭ تۇرعىنى دەپ كورسەتىلگەن. الايدا, بەلارۋس رەسپۋبليكاسىنىڭ گرودنو كەدەنىنىڭ بەرگەن اقپاراتىنا سايكەس, كولىك يەسى كورسەتىلگەن مەكەنجايدا تىركەلمەگەن. سونىمەن قاتار, بىرىڭعاي ساۋدا كاسىپورنى «دوروگا» كورسەتىلگەن اۆتوكولىگىن ساتىپ الۋ – ساتۋ ءراسىمى جۇرگىزىلمەگەن جانە ساتىپ-الۋ ەسەپ – انىقتاماسىندا كورسەتىلگەن مالىمەتتەر شىندىققا جاناسپايتىندىعى ءمالىم بولدى.
سوت-كولىك تاۋارلىق ساراپتاما قورىتىندىسىنا سايكەس, 2011 جىلى شىعارىلعان «MAZDA-6» اۆتوكولىگىنىڭ نارىقتاعى ورتاشا كۇنى 4 ملن. 106 مىڭ تەڭگەنى قۇرايدى. اتالعان فاكت بويىنشا دەپارتامەنتتىڭ كونترابانداعا قارسى كۇرەس باسقارماسىمەن قىلمىستىق كودەكستىڭ 209-بابىنىڭ 1-بولىمىندە (ەكونوميكالىق كونتراباندا) كوزدەلگەن قىلمىس بەلگىلەرى بويىنشا قىلمىستىق ءىس قوزعالدى.
جولداسبەك شوپەعۇل.
اتىراۋ وبلىسى.
دەرەككوز: وبلىستىق كەدەندىك باقىلاۋ دەپارتامەنتى.
فوتو: www. Drive 2.ru.
