«ەكولوگيا, گەولوگيا جانە تابيعي رەسۋرستار مينيسترلىگىنىڭ لاۋازىمدى تۇلعالارى جانە «وكم وپەراتورى» جشس باسشىلىعى ەلەكتر ەنەرگياسىن وندىرەتىن 6 قوقىس جاعاتىن زاۋىت سالۋ ءۇشىن جەكە ۇيىمدى زاڭسىز قارجىلاندىرۋ جولىمەن كادەگە جاراتۋ الىمدارى تۇرىندە جينالعان 180 ملرد تەڭگەنى ۇرلاۋعا نيەتتەنگەن.
بۇل رەتتە ەلەكتر ەنەرگياسىن مەملەكەت 15 جىل ىشىندە نەگىزسىز جوعارى تاريف بويىنشا ساتىپ الۋعا جانە جەكە كومپانياعا ميللياردتاعان پايدا اكەلۋگە كەپىلدىك بەرۋى كەرەك بولعان.
ۋاقتىلى قابىلدانعان شارالار ناتيجەسىندە اتالعان زاڭسىز ارەكەتتەر اشكەرەلەندى», دەلىنگەن حابارلامادا.
بۇعان دەيىن ەكولوگيا ۆيتسە-ءمينيسترى مەن «وكم وپەراتورى» جشس بۇرىنعى باسشىلارى قاماۋعا الىنعان بولاتىن.
وزگە اقپارات تەرگەۋ مۇددەسىندە جاريا ەتۋگە جاتپايدى.
ايانا توعانبەك
