15 ساۋىردە ساعات 13.50-دە پاۆلودار قالاسى تكاچەۆ كوشەسىندەگى باسسەيندەردىڭ ءبىرىنىڭ جانىندا پاۆلودار وبلىسى پوليتسيا دەپارتامەنتىنىڭ جەدەل قىزمەتكەرلەرى ۇقكد قىزمەتكەرلەرىمەن بىرلەسىپ ۇيىمداسقان قىلمىستىق توپتىڭ باسشىسىن ۇستادى.
قازاقستان رەسپۋبليكاسى قك-ءنىڭ 194-بابى 4-تارماعىنىڭ 2-بولىگىنە سايكەس سوتقا دەيىنگى تەرگەۋ ىستەرى جۇرگىزىلۋدە. كۇدىكتى قاماۋعا الىندى.
بۇل باپ بويىنشا م ۇلىكتى تاركىلەپ, جەتى جىلدان ون بەس جىلعا دەيىنگى مەرزىمگە باس بوستاندىعىنان ايىرۋ جازاسى قاراستىرىلعان.
«ۇيىمداسقان قىلمىستىق توپتىڭ 54 جاستاعى ليدەرى 40 جاستاعى پاۆلودارلىقپەن الدىن الا كەلىسە وتىرىپ, پسيحولوگيالىق قىسىم كورسەتۋ جانە كۇش قولدانامىن دەپ قورقىتۋ ارقىلى جشس-لاردىڭ ءبىرىنىڭ ديرەكتورى مەن ونىڭ ورىنباسارىنان ءۇشىنشى تۇلعالاردىڭ پايداسىنا 52 ميلليون تەڭگەدەن استام قاراجات اۋدارۋدى تالاپ ەتكەن», دەپ حابارلادى پاۆلودار وبلىسى پوليتسيا دەپارتامەنتىنىڭ باستىعى ۆاسيلي سكليار.
ايانا توعانبەك
