قوعام • 19 ءساۋىر، 2022

بالالاردى بوپسالاۋ ەكى ەسەگە ازايعان

192 رەت كورسەتىلدى

ەلىمىزدە بالالاردىڭ قۇقىعىن قورعاۋ، كامەلەتكە تولماعانداردىڭ قاۋىپسىزدىگىن قامتاماسىز ەتۋ باعىتىندا اۋقىمدى جۇمىستار اتقارىلىپ جاتىر. سودان دا بولسا كەرەك، جاسوسپىرىمدەرگە قاتىستى قىلمىستاردىڭ قاراسى سيرەي تۇسكەن.

ءىىم اكىمشىلىك پوليتسيا كوميتەتى باسقارما باسشىسىنىڭ ورىنباسارى جاسۇلان ءجۇماناليننىڭ مالىمدەۋىنشە، بيىل كامەلەتكە تولماعاندارعا قاتىستى جاسالعان قىلمىستاردىڭ سانى 17 پايىزعا، ونىڭ ىشىندە ۇرلىق – 2،5، بوپسالاۋ – 2، بۇزاقىلىق پەن توناۋ ۇشتەن ءبىر ەسەگە ازايعان. بۇل جونىندە ءىىم وكىلى ورتالىق كوممۋنيكاتسيالار قىزمەتى الاڭىندا وتكەن ءباسپاسوز ءماسليحاتىندا حابارلادى.

ج.ءجۇماناليننىڭ ايتۋىنشا، زورلاۋ جانە سەكسۋالدىق سيپاتتاعى زورلىق-زومبىلىق ارەكەتتەرى بار قىلمىستار اۋىر قىلمىستار ساناتىنا اۋىستىرىلعان. «مۇنداي قىلمىستارعا بارعان ادام مەن جابىرلەنۋشى تاراپتىڭ تاتۋلاسۋ مۇمكىندىگى ءتيىستى زاڭ بويىنشا الىنىپ تاستالدى»، دەيدى سپيكەر. «پەدوفيلدەر ەندى ەڭ جوعارى قاۋىپسىزدىك مەكەمەلەرىندە كەشىرىم جانە مەرزىمىنەن بۇرىن بوساتۋ قۇقىعىنسىز ۇستالادى. پەداگوگتەرگە قۇقىق قورعاۋ ورگاندارىنا كامەلەتكە تولماعاندارعا قارسى ءىس-ارەكەتتەر جاساۋ فاكتىلەرى تۋرالى دەرەۋ حابارلاۋ مىندەتى جۇكتەلگەن. بۇل جەردە بارلىق قازاقستاندىققا بالالارعا قاتىستى وزدەرىنە بەلگىلى بولعان زورلىق-زومبىلىق فاكتىلەرى تۋرالى دەرەۋ پوليتسيا ورگاندارىنا حابارلاۋ كەرەكتىگىن ايتقىم كەلەدى. بۇل ماسەلەدە ازاماتتىق جاۋاپ­كەر­شىلىك تانىتىپ، بىرەۋدىڭ قاسىرەتىنە نەم­قۇرايدى قاراماۋدى جانە مۇنداي قىلمىستاردى جاسىرماۋدى سۇرايمىن»، دەدى مي­نيسترلىك وكىلى ءباسپاسوز ءماليحاتىندا.

ءىىم وكىلى بريفينگتە بالالاردىڭ جول قاۋىپسىزدىگىن ساقتاۋىنا اتا-انالار دا جاۋاپتى ەكەنىن، بۇل ماسەلەگە ۇلكەن­دەر جاعى بەيجاي قاراماۋى قاجەتتىگىن اتاپ ءوتتى.

«بۇعان دەيىن ءىىم ءبىلىم جانە عىلىم مينيسترلىگىمەن بىرلەسىپ، وقۋ ورىندارى ءۇشىن بەينەباقىلاۋ جۇيەلەرىنە قويىلاتىن تالاپتاردى بەكىتكەن بولاتىن. باقىلاۋ قۇرىلعىلارىن ورناتۋ ورىندارى، بەينەدەرەكتەردى ساقتاۋ مەرزىمدەرى بەلگىلەندى. سونداي-اق اۋماقتىق پوليتسيا ورگاندارىن جەدەل باسقارۋ ورتالىقتارىنىڭ بەينەباقىلاۋ جۇيەلەرىمەن ينتەگراتسيالاۋ كوزدەلىپ وتىر. اكىمدىكتەر مەكتەپتەردى وسىنداي جۇيەلەرمەن تولىق جابدىقتاۋ بويىنشا جۇمىس جۇرگىزدى. قازىر بەينەباقىلاۋ كامەرالارىنىڭ سانىن ارتتىرۋ جۇمىستارى جالعاسۋدا»، دەدى سپيكەر. سونداي-اق ول ءوز سوزىندە بالالاردىڭ قاۋىپسىزدىگىن قامتاماسىز ەتۋ بويىنشا قولعا الىنعان ءىس-شارالار بيىل دا جالعاساتىنىن اتاپ ءوتتى.

سوڭعى جاڭالىقتار

شابىت شاقىراتىن شاھار

ەلوردا • بۇگىن، 08:23

اقجايناق استانا

ەلوردا • بۇگىن، 08:22

وزىق ءوندىرىس ورنىندا بولدى

ايماقتار • بۇگىن، 08:20

باعدارىڭ قالاي، باس قالا؟

ەلوردا • بۇگىن، 08:17

ديماش پەن دجەكسون

ونەر • بۇگىن، 08:10

ۇتقانىمىز شامالى بولىپ تۇر

قوعام • بۇگىن، 08:05

ەگىزدەر فەستيۆالى

قوعام • بۇگىن، 08:00

ۇقساس جاڭالىقتار