كينو • 18 ءساۋىر، 2022

ايگىلى اكتريسانىڭ الەمى

58 رەت كورسەتىلدى

قازاقتىڭ تالانتتى قىزدارىنىڭ ءبىرى، ايگىلى اكتريسا، پەداگوگ شولپان جانداربەكوۆانىڭ تۋعانىنا بيىل 100 جىل تولدى. وسى مەرەيتويعا وراي قارقارالىنىڭ تاريحي-ولكەتانۋ مۇراجايى ارنايى كورمە ۇيىمداستىردى.

مۇندا ونەر قايراتكەرىنىڭ ءومىرى مەن شىعارماشىلىعى تۋرالى تۋىندىلار، جەكە زات­تارى، وتباسىلىق فوتو­سۋرەت­تەرى، وردەن، مەدال، اتتەس­تات كۋالىكتەرىنىڭ كوشىر­مە­لەرى كەلۋشىلەر نازارىنا ۇسى­نىلعان. سونداي-اق اكتري­سا­نىڭ ءوز قولىمەن جازعان ءومىر­بايانى دا ساقتالعان.

ال وسى ايدىڭ ءۇشىنشى ونكۇندىگىندە شولپان جان­دار­بەكوۆانىڭ ءومىرى مەن شى­عار­­ماشىلىعىنا ارنالعان سپەك­­تاكلدەر كورسەتىلەتىن قار­­قارالى مادەنيەت ءۇيىنىڭ حول­ىندا جىلجىمالى ستەندتەر قو­يىلماقشى.

اتالعان مۇراجايدىڭ ديرەكتورى نازىم ابىشەۆا ونەر يەسىنىڭ شىعارماشىلىعىن ناسيحاتتاپ، ونىڭ تالانتىنىڭ بار قىرىن اشۋدى ماقسات ەتكەندەرىن ايتادى.

– ءبىزدىڭ مۇراجايدا اكتري­سانىڭ وتباسىلىق مۇرا­عا­تى­نان الىنعان بىرەگەي فوتو­سۋ­رەتتەردىڭ جانە قۇجات­تا­رى­نىڭ كو­شىرمەلەرى بار. وسى­نىڭ ءبارىن ءبىز ە.بوكەتوۆ اتىن­داعى قاراعاندى ۋنيۆەر­سيتەتىنىڭ تاريح فاكۋلتەتىن­دە وقيتىن ستۋدەنتتەرگە دە كور­سەتكىمىز كە­لەدى. سوندىقتان مادەنيەت ۇيىن­دەگى كورمەدەن كەيىن ستەندتەر قاراعاندىعا جەتكىزىلەدى، – دەيدى مۇراجاي ديرەكتورى.

قازاق كسر-ءنىڭ ەڭبەك سى­­ڭىر­­گەن ءارتىسى، كسرو جا­نە قازاقستاننىڭ حا­­لىق ءار­تىسى شول­پان جان­دار­­بە­كو­­­ۆا 1922 جىل­دىڭ 1 قاڭتا­­­رىن­­­دا قار­قارالى اۋدا­نى­نىڭ ميلىبۇلاق اۋىلىن­دا دۇ­نيەگە كەلگەن. ايگىلى اكتري­سا تەاتر ونەرى مەن كينويندۋستريا تاريحىندا وشپەس ءىز قالدىردى. مىسالى، اكتريسا «اباي جولى»، «دالا قىزى»، «ماحاببات تۋرالى پوەما» جانە باسقا دا فيلمدە ويناعان.

شولپان جانداربەكوۆا ءومىرىنىڭ كوپ بولىگىن م.اۋەزوۆ اتىنداعى قازاق دراما تەاترىندا وتكىزىپ، 200-دەن استام وبرازدى سومدادى. سونىمەن قاتار ول ت.جۇرگەنوۆ اتىنداعى قازاق ۇلتتىق ونەر اكادەمياسىندا اكتەرلىك شەبەرلىكتەن ساباق بەرىپ، اتاقتى اكتەرلەردىڭ ۇلكەن شوعىرىن تاربيەلەپ شىعارعان.

 

قاراعاندى وبلىسى،

قارقارالى اۋدانى

سوڭعى جاڭالىقتار

دوللار ارزاندادى

ەكونوميكا • بۇگىن، 15:50

ۆاكتسينا سالدىرعاندار سانى ارتتى

كوروناۆيرۋس • بۇگىن، 09:17

1227 قازاقستاندىق ىندەتتەن ساۋىقتى

كوروناۆيرۋس • بۇگىن، 09:08

وتكەن تاۋلىكتە 1169 ادام ىندەت جۇقتىردى

كوروناۆيرۋس • بۇگىن، 09:01

ۇقساس جاڭالىقتار