قازاقستان • 18 ءساۋىر, 2022

20 ساۋىردەن باستاپ اتىراۋ – استراحان پويىزى قاتىنايدى

330 رەت
كورسەتىلدى
1 مين
وقۋ ءۇشىن

قازاقستان مەن رەسەي تەمىرجول اكىمشىلىكتەرى اراسىنداعى ەكىجاقتى ۋاعدالاستىق نەگىزىندە «اتىراۋ-استراحان» باعىتىندا حالىقارالىق جولاۋشىلار پويىزى قاتىنايدى, دەپ حابارلايدى Egemen.kz «قتج» ۇلتتىق كومپانياسىنىڭ ءباسپاسوز قىزمەتىنە سىلتەمە جاساپ.

20 ساۋىردەن باستاپ اتىراۋ – استراحان پويىزى قاتىنايدى
پويىز كۇنارا جۇرەدى: اتىراۋدان 20 ساۋىردەن باستاپ جۇپ كۇندەرى, ال استراحاننان 21 ساۋىردەن باستاپ تاق كۇندەرى اتتانادى.
 
«قتج قازاقستانعا كىرۋ ءۇشىن ۆاكتسينا سالدىرماعان جولاۋشىلار تەرىس ناتيجەلى پتر-انىقتاما كورسەتۋى كەرەك ەكەنىن ەسكە سالدى. انىقتاما مەرزىمى 72 ساعاتتان اسپاۋى شارت. ۆاكتسيناتسيانىڭ تولىق كۋرسىنان نەمەسە رەۆاكتسيناتسيادان وتكەنىن راستايتىن پاسپورت بولسا, انىقتاما قاجەت ەمەس. ەگەر جولاۋشىدا پتر-انىقتاما نەمەسە ۆاكتسينا پاسپورتى بولماسا, وندا ول ۆاگونعا كىرگىزىلمەيدى», دەپ ەسكەرتتى ۇلتتىق تاسىمالداۋشى.
 
جولاۋشىلار پويىزدارىنىڭ قوزعالىس كەستەسى بويىنشا انىقتامالىق اقپاراتتى «1433» ءنومىرى ارقىلى جانە Bilet.railways.kz.سايتىنان بىلۋگە بولادى.
سوڭعى جاڭالىقتار