«قازاقستان رەسپۋبليكاسى قارجى مينيسترلىگىنىڭ مەملەكەتتىك كىرىستەر كوميتەتى 2022 جىلعى 1 شىلدەدەن باستاپ ەۋرازيالىق ەكونوميكالىق وداق اۋماعىندا 2023 جىلعى 31 ناۋرىزدى اياقتاۋ مەرزىمىمەن قاداعالاپ وتىرۋ تەتىگىن ەنگىزۋ جونىندەگى قاناتقاقتى جوبا ىسكە قوسىلاتىنىن حابارلادى. جوبا شەڭبەرىندە قاداعالاۋ جۇزەگە اسىرىلاتىن تاۋارلار تىزبەسىنە سىرتقى ەكونوميكالىق قىزمەتتىڭ تاۋار نومەنكلاتۋراسىنىڭ 11 كودى (تۇرمىستىق توڭازىتقىشتار مەن مۇزداتقىشتار) ەنگىزىلدى.
سونىمەن قاتار 2022 جىلعى 1 شىلدەدە ەۋرازيالىق ەكونوميكالىق وداقتىڭ كەدەندىك اۋماعىندا ءىس جۇزىندە بولاتىن قاداعالاۋعا جاتاتىن تاۋارلار جانە وسىنداي تاۋارلاردىڭ اينالىمىمەن بايلانىستى وپەراتسيالار تۋرالى مالىمەتتەر جوبانى ىسكە اسىرۋ باستالعان كۇننەن باستاپ ءبىر اي ىشىندە ەلەكتروندىق شوت-فاكتۋرالاردىڭ اقپاراتتىق جۇيەسىنە ەنگىزىلۋگە جاتادى.
ەلەكتروندىق شوت-فاكتۋرالاردىڭ اقپاراتتىق جۇيەسىندە مۇنداي مالىمەتتەر بولماعان كەزدە ءبىر مۇشە مەملەكەتتىڭ اۋماعىنان ەۋرازيالىق ەكونوميكالىق وداققا ەكىنشى مۇشە مەملەكەتتىڭ اۋماعىنا وتكىزۋگە جول بەرىلمەيدى. «جوعارىدا كورسەتىلگەن تاۋارلار تىزبەسى ەۋرازيالىق ەكونوميكالىق كوميسسيا كەڭەسىنىڭ 2022 جىلعى 21 قاڭتارداعى № 2 شەشىمىمەن بەكىتىلگەن. بۇل شەشىممەن مىنا سىلتەمە بويىنشا تانىسۋعا بولادى», دەپ جازىلعان حابارلامادا.
