اتا-اناسىنىڭ سوزىنە سۇيەنسەك, وتكەن جىلدىڭ مامىر ايىندا ۇلىنىڭ اياعىن يت قاۋىپ العان. الايدا اتا-انا بالانى دارىگەرگە كورسەتپەي, ءوز بەتتەرىنشە ۇيدە ەمدەگەن. ارادا 1 جىلعا جۋىق ۋاقىت وتكەن سوڭ ءجاسوسپىرىمنىڭ بويىنان قورقىنىش, ۇرەي, دەنە تەمپەراتۋراسىنىڭ جوعارىلاۋى, سۇيەكتەر مەن جاراقات العان جەردىڭ اۋىرۋى, سۋ ءىشۋ كەزىندە اۋانىڭ جەتىسپەۋشىلىگى جانە جالپى السىزدىك سياقتى سيمپتومدار پايدا بولا باستاعان.
كەلەسى كۇنى ولار تۇرعىلىقتى جەرى بويىنشا ەمحاناعا جۇگىنگەن, دارىگەرلەر وعان سۇيەك اۋرۋىنا قارسى ەمدەۋ تاعايىنداعان. وسىعان قاراماستان بالانىڭ جاعدايى ناشارلاي بەرگەن. بالا بەل تۇسىنداعى اۋرۋلارعا شاعىمدانا باستايدى. بالاسىنا ەم-دوم ىزدەگەن اتا-انا جەكە كلينيكالارعا عانا ەمەس, ءداستۇرلى ەمەس مەديتسينا وكىلدەرىنە دە جۇگىنگەن. كەيىنىرەك ءجاسوسپىرىمنىڭ بۇيرەگى قابىنعانى انىقتالىپ, سوعان سايكەس ەم العان. بىراق بالانىڭ جاعدايى وڭالماعان. بالادا ەنتىگۋ, گيدروفوبيا, اەروفوبيا پايدا بولعان.
«جاعدايى كۇرت ناشارلاعان بالانى 10 ساۋىردە جەدەل جاردەم كولىگىمەن اۋداندىق اۋرۋحاناعا اپارىپ, جۇقپالى اۋرۋلار بولىمىندە وعان قۇتىرما دياگنوزى قويىلدى. سول كۇننەن باستاپ بارلىق وتباسى مۇشەلەرى مەديتسينالىق باقىلاۋعا الىندى. الايدا سەگىزىنشى سىنىپ وقۋشىسىن امان الىپ قالۋ مۇمكىن بولمادى. ول كەلەسى كۇنى – 11 ساۋىردە كوز جۇمدى», دەلىنگەن حابارلامادا.
