ء«بىر اپتا ىشىندە ەلىمىزدە 3107 قىلمىس جاسالدى, ونىڭ 1955-ءى ءبىر تاۋلىك ىشىندە اشىلدى. پوليتسيا قىزمەتكەرلەرى ء«ىزىن سۋىتپاي» 10 كىسى ءولتىرۋ, دەنساۋلىققا قاساقانا اۋىر زيان كەلتىرۋ, 4 قاراقشىلىق, 37 توناۋ, 539 بوتەن م ۇلىكتى ۇرلاۋ قىلمىستارىن اشتى», دەپ حابارلادى شۇعىلا تۇرلىبەك.
سونىمەن قاتار قر ءىىم وكىلى قازاقستان پوليتسياسىندا تالداۋ ورتالىعىن قۇرۋ تۋرالى ەگجەي-تەگجەيلى ايتىپ بەردى.
ء«ىىم احۋالدىق ورتالىعىنىڭ جۇمىس ىستەۋى اياسىندا قىلمىستىڭ الدىن الۋعا جانە ەڭ وسال باعىتتار بويىنشا ناقتى پروفيلاكتيكا جۇرگىزۋگە مۇمكىندىك بەرەتىن اناليتيكا قاراستىرىلادى. Big Data قۇرالدارىن پايدالانا وتىرىپ, قۇقىق بۇزۋشىلىقتاردى تالداۋ جانە ولاردىڭ الدىن الۋ جونىندەگى اقپاراتتىق جۇيە كريمينوگەندىك احۋالدىڭ كۇندەلىكتى مونيتورينگىن جۇزەگە اسىرۋعا, ونى تالداۋعا جانە ەڭ باستىسى - بارلىق پروتسەستەردى جەدەل ءارى ءتيىمدى باسقارۋعا مۇمكىندىك بەرەدى. اقپاراتتى جيناۋ جانە وڭدەۋ اۆتوماتتاندىرىلادى, ارتىق بيۋروكراتيزم جويىلادى, اكىمشىلىك جانە سوتقا دەيىنگى ءوندىرىس وڭتايلاندىرىلادى», دەدى ول.
ايانا توعانبەك
