قازاقستان • 18 ءساۋىر، 2022

تاۋار تاسىمالىنداعى ءتيىمدى تەتىك

97 رەت كورسەتىلدى

كاسپي – قازاقستان ءۇشىن جالعىز تەڭىز قاقپاسى. تاۋار اعىندارىن قالىپتاستىرۋدا بۇل تەڭىزدىڭ ىرگەسىندەگى ەلدەردىڭ ماڭىزى جوعارى، سەبەبى وتاندىق تاۋارلاردى ءىرى تەڭىز ساۋدا جەلىلەرىنە شىعارۋدا ءتيىمدى جول سانالادى.

بۇل تۋرالى گرۋزيادا وتكەن Black and Caspian Sea Ports & Shipping كونفەرەنتسياسىندا QazTrade ساۋدا ساياساتىن دامىتۋ ورتالىعىنىڭ باس ديرەكتورى ازامات اسقار ۇلى ايتتى. كونفەرەنتسيا «ترانسكاسپي حالىقارالىق كولىك باعدارى» حا­لىق­ارالىق قاۋىمداستىعىنىڭ قولداۋىمەن كاسپي ءوڭىرىنىڭ كو­لىك-كوممۋنيكاتسيا كەشەنى مەن ترانس­كاسپي حالىقارالىق كولىك باع­دارىنىڭ (تحكب نەمەسە Middle Corridor) الەۋەتىن دامىتۋ پەرسپەكتيۆالارىنا ارنالدى.

22 ەلدىڭ كولىك جانە لوگيستيكا سالاسىنداعى حالىقارالىق جا­نە وڭىرلىك ۇيىمدارى، سونداي-اق ترانسكاسپي حالىقارالىق كولىك باعدارىنىڭ قاتىسۋشىلارى جا­ھان­دىق جانە وڭىرلىك ساۋدا مەن ين­ۆەستيتسيالاردىڭ وزەكتى ماسە­لە­ل­ە­­­رىن تالقىلادى. ايتالىق، تەمىر جول كولىگى مەن جۇك تاسىمالىن دامى­تۋ، كولىكتىڭ تۇراقتىلىعىن نىعايتىپ، قاۋىپسىزدىكتى قامتاماسىز ەتۋ، ترانسكاسپي حالىقارالىق كولىك باعدارىن (تحكب) كۇشەيتۋدەگى جاڭا تاسىلدەر، سونداي-اق جۇك تاسىمالدارىن كونتەينەرلەپ كولىك ينفراقۇرىلىمىنا قاجەتتى تسيفر­لى تەحنولوگيالار سالاسىنداعى ماسەلەلەر قامتىلدى.

«كاسپي ءوڭىرى قازاقستان ءۇشىن جال­­عىز تەڭىز قاقپاسى سانا­لا­دى. نە­گە دەسەڭىز، تاۋار اعىندارىن قا­­­­لىپ­­­تاستىرۋدا اتالعان ايماق ماڭىز­­­دى ءرول اتقارىپ، تاۋار وندىرۋ­شى­لەر­­دى ءىرى تەڭىز ساۋدا جە­لى­­­­لە­رىنە شى­عا­رۋ­دى قام­تاماسىز ەتەدى»، دەدى ا.اسقار ۇلى.

قازىرگى گەوساياسي جاعدايدا ترانس­­­­كاسپي حالىقارالىق كولىك باع­دارىنىڭ قاتىسۋشىلارى ءۇشىن ترانزيتتىك دالىزدەر مەن كو­لىك ينفرا­قۇرىلىمىن دامىتۋدا مۇم­كىندىكتەر اشىلادى. بيىل 1-توقساندا مەتالل ونىمدەرى اتالعان كولىك دالىزىندە جاڭا تاۋارعا اينالىپ، تاياۋ ارادا وسى باعىت ارقىلى استىق، ۇن، مىس جەتكىزۋ تۋرالى كەلىسسوزدەر جۇرگىزىلمەك.

QazTrade باسشىسى ايتقانداي، كاسپي باعىتىنداعى كولىك قاتىنا­سىن جانداندىرۋ – جاھاندىق ويىن­شىلاردى، ونىڭ ىشىندە الەمدىك كو­لىك كومپانيالارىن تارتۋعا، كە­دەن­دىك اكىمشىلەندىرۋدىڭ ەلەكترون­دى جۇيەسىن ينتەگراتسيالاۋعا، سون­داي-اق قارا تەڭىز پورتتارىنىڭ ينفرا­قۇرى­لىمىنا شىعۋعا جاعىم­دى اسەر ەتەدى.

«ترانسكاسپي حالىقارالىق كولىك باعدارى بويىنشا پورتتاردىڭ مۇمكىندىكتەرى، مىسالى باتۋمي پورتى قازىر جۇكتى اۋىستىرىپ تيەۋ كولەمىن ۇلعايتۋعا مۇمكىندىك بەرىپ وتىر. قازاقستاننان ەۋروپالىق باعىتتا، سول سەكىلدى كەرى قاراي تاۋارلاردى جەتكىزۋ تىزبەگىن ايتارلىقتاي وڭتايلاندىرۋ قاجەت.

قازاقستان ءۇشىن قارا تەڭىزدىڭ پورتتارى الەمدىك نارىقتارعا شى­­ع­ۋ­­عا جول اشاتىن، سونداي-اق ترانس­­كاسپي حالىقارالىق كولىك باع­دارىن قارقىندى پايدالانۋعا مۇمكىندىك بەرەتىن ينتەنسيفيكاتسيا­سى ءتيىمدى ساۋدا تەتىگى سانالادى. ءداستۇرلى لوگيستيكالىق دالىزدەردى پايدالانۋدىڭ كۇردەلى جاعدايىندا ترانسكاسپي باعىتى وتاندىق تا­ۋارلاردى ەۋروپا ەلدەرىنە جەتكىزۋدە قىسقا ءارى ەكونوميكالىق ءتيىمدى جول. بۇل قازاقستاندى جاھاندىق ون­دىرىستىك تىزبەكتەرگە قوسىلۋعا باي­لانىستى جۇمىستى توقتاتپاي جانە حالىقارالىق ونەركاسىپتىك كووپەراتسيا جونىندەگى جوبالاردى جال­عاستىرۋعا مۇمكىندىك بەرەدى. بۇل مىن­دەتتى ۇكىمەت الدىنا مەملەكەت باس­شىسى دا قويدى»، دەدى ساۋدا سايا­ساتىن دامىتۋ ورتالىعىنىڭ باس ديرەكتورى.

فورۋم بارىسىندا قاتىسۋشىلار پوتي جانە باتۋمي تەڭىز پورتتارىنا بارىپ، ولاردىڭ وندىرىستىك كورسەتكىشتەرى مەن دامىتۋ جوسپارلارىنا قانىقتى.

سوڭعى جاڭالىقتار

ۆاكتسينا سالدىرعاندار سانى ارتتى

كوروناۆيرۋس • بۇگىن، 09:17

1227 قازاقستاندىق ىندەتتەن ساۋىقتى

كوروناۆيرۋس • بۇگىن، 09:08

وتكەن تاۋلىكتە 1169 ادام ىندەت جۇقتىردى

كوروناۆيرۋس • بۇگىن، 09:01

قارسىلاستار انىقتالدى

سپورت • بۇگىن، 08:47

پۋتينتسەۆا ۇتىلىپ قالدى

سپورت • بۇگىن، 08:46

مەرەي كۇمىس الدى

سپورت • بۇگىن، 08:45

سەربيادان ولجالى ورالدى

سپورت • بۇگىن، 08:43

تەمىرتاۋدا گاز تۇتاندى

ايماقتار • بۇگىن، 08:43

جومارت جاننىڭ جاقسىلىعى كوپ

قوعام • بۇگىن، 08:40

مەدال سانى 70-تەن استى

سپورت • بۇگىن، 08:38

ادەبيەتتانۋ تارلانى

ادەبيەت • بۇگىن، 08:33

شۇمەكتەن شىققان سۋ مەن شۋ

قوعام • بۇگىن، 08:23

«اينەگىڭىزدى جۋىپ بەرەيىك»

قوعام • بۇگىن، 08:21

اۋىل ەڭبەككەرلەرىمەن جۇزدەستى

ساياسات • بۇگىن، 08:15

شەكارانىڭ شەبى بەرىك

قازاقستان • كەشە

ۇقساس جاڭالىقتار