اقپاراتتار اعىنى

● «قازاگرو» كوكتەمگى جانە كۇزگى دالا جۇمىستارى ءۇشىن 61,6 ملرد. تەڭگە بولەدى. سونىڭ ىشىندە قارجىلاندىرۋدىڭ نەگىزگى بولىگى بولىپ تابىلاتىن بيۋدجەتتىك نەسيە 40 ملرد. تەڭگەنى قۇرايدى. ۆەدومستۆو سونداي-اق العاشقى رەت كوكتەمگى ەگىس جۇمىستارىن ەكىنشى دەڭگەيلى بانكتەر ارقىلى قارجىلاندىرىپ,  بۇل ماقساتقا 20 ملرد.تەڭگە قاراستىرادى. ● «بيزنەستىڭ جول كارتاسى-2020» باع­دار­لاماسى بويىنشا كومەك قارجى الاتىن كوم­پانيالاردىڭ سانى 3600-گە جەتتى. بۇل تۋ­را­­لى كەشە الماتىدا وتكەن ءباسپاسوز ءماسلي­حاتىن­دا «دامۋ» كاسىپكەرلىكتى دامىتۋ قورى» اق باس­قار­ماسىنىڭ ءتورايىمى ءلاززات يبراگيموۆا مالىمدەدى. ونىڭ ايتۋىنشا, باعدارلامادا ءوندىرۋشى جانە وڭدەۋشى كومپانيالارعا باسىمدىق بەرىلەدى. ● قوستاناي وڭىرىندە بيىل 12 ينۆەس­تي­تسيا­­لىق جوبا ىسكە اسىرىلادى. وبلىستىق كاسىپ­كەرلىك جانە يندۋستريالىق يننوۆاتسيالىق دامۋ باس­قارماسى باسشىسىنىڭ ورىنباسارى گۇلنار ابە­نوۆانىڭ مالىمەتىنشە, بۇگىندە 80 جو­بانىڭ 69-ى ىسكە قوسىلعان.  سونىڭ ءناتي­جەسىندە سوماسى 100 ملرد.  تەڭگەلىك 4 مىڭنان استام جۇ­مىس ورنى اشىل­عان. ● شىعىس قازاقستان وبلىسىندا اۋادان قۋات الاتىن قوندىرعى ومىرگە كەلدى. ونى وي­لاپ تاپ­قان جەرگىلىكتى ونەرتاپقىش ميحايل بۋل­داكوۆ «شاعىن ەكسپو-2014» كورمەسىنە وسى جو­با­­­نى ۇسىنىپ, مامانداردىڭ جوعارى باعاسىن الدى. ● شىمكەنتتە «تەاتر كوكتەمى-2014» وب­لىس­تىق كاسىبي تەاتر فەستيۆالى مارەگە جەتتى. وعان وبلىستاعى 8 كاسىبي تەاتر قاتىسىپ, 8 نوميناتسيا بويىنشا جارىسقا ءتۇستى. قورىتىندىدا وبلىستىق ءازىل-سىقاق جانە ساتيرا, وبلىستىق وپەرا جانە بالەت تەاترلارىنىڭ ۇجىمدارى باس بايگەلەرگە قول جەتكىزدى. ● قىزىلوردا وبلىسى سىرداريا اۋدانىندا 402 سۋ نىسانى كوممۋنالدىق مەن­شىك­كە قاي­­تا وتكىزىلدى. اۋداندىق پروكۋراتۋرا قىز­مەت­­كەر­­لەرىنىڭ باستاماسىمەن جۇرگىزىلگەن بۇل شارا جارامدى جانە قايتا جاڭعىرتۋعا جاتاتىن قون­دىر­عىلاردى اۋىل شارۋاشىلىعىنىڭ ءمۇد­دەسى ءۇشىن ءتيىمدى پايدالانۋ ماقساتىندا جاسالىپ وتىر. ● اقتاۋدا 200 جاس وتباسى جاڭا پاتەرلەردىڭ كىلتتەرىنە يە بولدى. «قولجەتىمدى تۇرعىن ءۇي-2020» باعدارلاماسى بويىنشا پايدالانۋعا بەرىلگەن بۇل ۇيلەردىڭ كىلتىن تابىس ەتكەن ماڭعىستاۋ وبلىسىنىڭ اكىمى اليك ايدارباەۆ الداعى ۋاقىتتا اتالمىش جوبا نەگىزىندە سالىناتىن جايلار سانىنىڭ كۇرت ارتاتىنىن ايتتى. ● قازاقستاندا «سكات» اۋە كومپانياسىنىڭ جۇمىسىن تەكسەرۋ باستالدى. بۇل جۇمىستاردى قولعا العان كولىك جانە كوممۋنيكاتسيا مينيستر­لىگىنىڭ ازاماتتىق اۆياتسيا كوميتەتى سوڭعى ۋا­قىت­تا جيىلەپ كەتكەن توتەنشە جاعدايلاردىڭ سەبەپ­تەرىن انىقتايدى. ەسكە سالا كەتسەك, 7 ساۋىردە اۆيا­كومپانيانىڭ شىمكەنتتەن ۇشىپ كەلگەن «بوينگ-737» ۇشاعى استانا اۋەجايىنا اپاتتىق جاع­دايدا قونعان ەدى. 24KZ, BNews.kz, Nur.kz, Egemen.kz حابارلارى بويىنشا دايىندالدى.