وتاندىق بيتۋمنىڭ ساپاسى تەكسەرىلۋدە

اقتاۋداعى بيتۋم زاۋىتىنىڭ العاشقى ءونىمى رەسپۋبليكالىق ماڭىزى بار شەتپە – بەينەۋ تاس جولىنىڭ قۇرىلىسىنا جەتكىزىلدى

دايىن ءونىمنىڭ ساپاسى مەن جونەلتىمى, ونى ىشكى نارىققا جەتكىزۋ, تۇتىنۋشىلار مەن بيتۋم نارىعىنداعى بارلىق قاتىسۋشىلاردىڭ تىلەك-ۇسىنىستارى بىردەن ەكى – مۇناي جانە گاز, كولىك جانە كوممۋنيكاتسيا مينيسترلىكتەرى وكىلدەرىنىڭ قاتىسۋىمەن اقتاۋ قالاسىندا وتكەن جينالىستا تالقىلاندى. اقتاۋ بيتۋم زاۋىتىنا ماڭعىستاۋ, پاۆلودار, اتىراۋ جانە باتىس قازاقستان وبلىستارىنان تۇتىنۋشىلار كەلدى. ۇدەمەلى يندۋستريالىق-يننوۆاتسيالىق دامۋدىڭ مەملەكەتتىك باعدارلاماسى اياسىندا ىسكە اسىرىلعان بي­تۋم زاۋىتىن بىلتىرعى جىل­دىڭ جەلتوقسان ايىن­دا تەلەكوپىر ارقىلى ەلبا­سى­نىڭ ءوزى قوسقان بولاتىن. مۇناي جانە گاز ۆي­تسە-ءمينيسترى ماعزۇم مىر­زا­عاليەۆتىڭ ايتۋىنشا, ەلىمىزدە تەڭدەسى جوق كəسىپورىن جول قۇ­رىلىسى الدىنان جاڭا كوك­جيەكتەر اشادى. ونىڭ جوعارى ساپالى ونىمدەرى قا­زاقستان عانا ەمەس, شەتەل­دەرگە دە ەكسپورتقا شىعا­رى­لاتىن بولادى. زاۋىت جىل سايىن 400 مىڭ تونناداي جول بيتۋمدارىن, سونداي-اق, 255 مىڭ توننا بەنزين-دي­زەل فراكتسياسى مەن 259 مىڭ توننا ۆاكۋمدىق گازويل شىعارادى, – دەپ ءما­لىم­دەدى م.مىرزاعاليەۆ. تەح­نولوگيالىق جۇيەلەر ءجون­دە­لۋدەن وتكەننەن كەيىن كوزدەلگەن ساپا كور­­سەتكىشتەرىنە قول جەتكى­زىل­دى. ءونىم ساپاسى بيتۋم ماركالارى بويىنشا قازاق­ستاننىڭ ستاندارتتىق تالاپ­تارىنا ساي كەلەدى, دەيدى «KPI» اق باسقارما توراعا­سىنىڭ ءبىرىنشى ورىنباسارى سەرىك بايسەكسەنوۆ. بيتۋم شىعارۋدىڭ ءاربىر ساتىسىندا بارلىق مۇناي ونىمدەرىنىڭ تۇرلەرى بويىنشا سىناۋلار وتكىزىلگەن بولاتىن. ونىڭ ساپاسىن قازاقستان بويىنشا بىرنەشە زەرتحانالار دالەلدەدى, ولار­دىڭ ىشىندە تاۋەلسىز ساپا زەرت­تەۋ ورتالىقتارىنىڭ ءبىر­قاتارى بار. قازاقستان بۇرىن نەگى­زىندە شيكىزاتتىق باعىتتارعا با­سىمدىلىق بەرگەن. تاۋەل­سىزدىك العاننان بەرى ەلىمىزدە مۇناي وندەۋدەگى تۇڭعىش زاۋىت اقتاۋ قالاسىندا سالىندى. بۇل زاۋىتتا اۋىر جوعارى ءپارافيندى مۇنايدى وڭدەۋگە بارلىق مۇمكىندىكتەر بار. ول مۇنايدىڭ وسى ءبىر ءتۇرى – بيتۋم شىعارۋ ءۇشىن سالىنعان. وسىنداي زاۋىتتىڭ قۇرىلىسى كەڭەس وداعى كەزىندە جوسپارلانعان بولاتىن. الايدا, بۇل جوبا تەك بىلتىرعى جىلى عانا ىسكە اسىرىلدى. جاڭا ءون­دى­رىس پلاستيكالىق ماسسا زاۋىتىنىڭ ورنىندا تۇر­عىزىلدى. ول زاۋىت بۇ­رىن­عى قالپىنا كەلتىرىل­مە­سە دە, ونىڭ دايىن ينفرا­قۇ­رى­لىمىن پايدالانۋ ءمۇم­كىنشىلىگى بولدى. بۇگىنگى تاڭدا اقتاۋداعى بيتۋم زاۋىتى ءونىمنىڭ ءبى­رىنشى پارتياسىن شىعارا باستادى. جوبا بويىنشا بيتۋمدى تەمىرجول تسيستەرنالارىنا قۇيۋ قاراستىرىلماعان. بيتۋم بيگ-بەگ دەپ اتالاتىن سىيىم­دى قاپتارعا بولشەكتەنەتىن بولادى. بۇل وزىندىك نوۋ-حاۋ بولىپ تابىلادى. ازىرشە, بىردە-ءبىر زاۋىت بيتۋمدى قاپ­پەن تاسىمالدامايدى. بۇنىڭ ارتىق­شىلىعى – ساقتالۋ مەرزىمىندە, بيتۋم قان­شا كەرەك بولسا, سونشا ساقتالادى. بۇگىنگى تاڭدا شامامەن 4,5 مىڭ توننا بيتۋم بيگ-بەگ دەپ اتالاتىن سىيىمدى قاپتارعا سىعىمدالعان. دايىن ءونىمدى ساتۋدى جول قۇيىلمالى ەستاكادادان باستادىق, قازىرگى تاڭدا 450 توننا تيەپ قويىلدى. وتىز مىڭ توننا الىنعان مۇنايدان زاۋىت 7, 5 مىڭ توننا بيتۋم الدى. بۇل جوبالىق كورسەتكىشكە سايكەس كەلەدى. ال زاۋىتتىڭ جوبالىق قۋاتى – ميلليون توننا مۇنايدى وڭدەۋ. جىل سوڭىندا زاۋىت شيكىزاتتىڭ وسىنشاما كولەمىن وڭدەپ شىعاراتىنىنا ۋادە بەرەدى. بۇرىن قازاقستان نارىعىنىڭ 60 پايىزىن رەسەي بيتۋمى قۇرايتىن. الايدا, قازىرگى تاڭدا رەسەيدە قۇرىلىستىڭ ارتۋىنا بايلانىستى ول ەكسپورتقا شىقپايدى. سوندىقتان, جاڭا زاۋىتتاردىڭ پايدا بولۋى ورىندى جانە وسى 3 قازاقستاندىق «بيتۋم گيگانتتارى» رەسپۋبليكانىڭ قاجەتتىلىكتەرىن بولاشاقتا تولىق جاپپاق.   مەرەكە الماسوۆ.