اقىن ءامىرحان بالقىبەك ومىردەن وزدى

قازاقتىڭ بەلگىلى اقىنى, ادەبيەت سىنشىسى, جازۋشىلار وداعىنىڭ مۇشەسى ءامىرحان بالقىبەك 45 جاسقا قاراعان شاعىندا ومىردەن وزدى. بۇل تۋرالى «قازاقپارات» اگەنتتىگى حابارلادى. اقىن ءا. بالقىبەك 1969 جىلى 19 مامىر كۇنى وڭتۇستىك قازاقستان وبلىسى جەتىساي اۋدانىنا قاراستى لەنين اتىنداعى ۇجىمشاردا تۋعان. 1986 جىلى شاردارا قالاسىنداعى م. اۋەزوۆ اتىنداعى ورتا مەكتەپتى ءبىتىرىپ, 1987-1989 جىلدارى اسكەري  بورىشىن وتەگەن. اسكەردەن ورالعان سوڭ شاردارا اۋداندىق «وسكەن ءوڭىر» گازەتىندە ءتىلشى بولدى. 1995-2000 جىلدارى «پاراسات» جۋرنالىندا, «جاس الاش», «انا ءتىلى» گازەتتەرىندە ءتىلشى, 2000-2004 جىلدارى «قازاق ادەبيەتى» گازەتىندە ءبولىم مەڭگەرۋشىسى قىزمەتتەرىن اتقارعان. ولەڭ توپتامالارى «اۋىلدان ۇشقان اققۋلار», «تولقىننان تولقىن تۋادى», «جاس اقىندار پوەزياسىنىڭ انتولوگياسى» ۇجىمدىق جيناقتارىنا ەنگەن. «مەتامورفوزا» (1996), «سىنعان ساۋلەنىڭ شاعىلىسۋى» (2001) جىر جيناقتارىنىڭ اۆتورى. 1997 جانە 1998 جىلدارداعى  پرەزيدەنت ستيپەندياسىنىڭ يەگەرى. دەرەككوز: «قازاقپارات» اگەنتتىگى. فوتو: «ايقىن» گازەتى.