بريفينگكە ەكونوميكالىق ينتەگراتسيالار جۇمىسىنىڭ ءمينيسترى جانار ايتجانوۆا, اۋىل شارۋاشىلىعىنىڭ ءمينيسترى اسىلجان مامىتبەكوۆ, يندۋستريا جانە جاڭا تەحنولوگيالار ءبىرىنشى ۆيتسە-ءمينيسترى البەرت راۋ, ەكونوميكالىق دامۋ جانە ساۋدا ۆيتسە-ءمينيسترى تيمۋر جاقسىلىقوۆ قاتىسىپ, كۇن تارتىبىندەگى ماسەلە بويىنشا قويىلعان سۇراقتارعا جاۋاپ بەردى. «ەۋرازيالىق ەكونوميكالىق وداق قۇرۋ ۇسىنىسى وسىدان 20 جىل بۇرىن ءبىزدىڭ مەملەكەت باسشىسى تاراپىنان ماسكەۋدە جاسالعانى بەلگىلى. وتپەلى كەزەڭ ارتتا قالىپ بارا جاتقان قازىرگى ۋاقىتتا, وسى كۇنگە دەيىن كۇن تارتىبىنەن تۇسپەگەن ەۋرازيالىق ەكونوميكالىق وداق قۇرۋ شاراسى قايتا كوتەرىلىپ, ونىڭ قۇرىلۋىنىڭ العاشقى كەزەڭى اياقتالۋعا تاياۋ.
بۇيىرتسا, وسى ايدىڭ سوڭىنا دەيىن ءتيىستى قۇجاتتار تولىق ازىرلەنىپ بولسا, كەلەر مامىر ايىنىڭ سوڭىن الا قازاقستان, رەسەي, بەلارۋس ەلدەرىنىڭ مەملەكەت باسشىلارى وداقتى قۇرۋ جونىندەگى شارتقا قول قويادى»,-دەدى ب. ساعىنتاەۆ. ب. ساعىنتاەۆ ءسوز ورايىندا ەلىمىزدەگى كەيبىر بۇقارالىق اقپارات قۇرالدارىندا, ونىڭ ىشىندە ەلەكتروندى اقپارات جەلىلەرىندە وسى ماسەلە جونىندە كوپتەگەن پىكىرلەر ايتىلعانىنا دا توقتالىپ ءوتتى. وعان قولداۋ جاساپ وتىرعاندار دا, قارسىلىق بiلدiرiپ جاتقان ازاماتتار دا بار. ەەو تۋرالى شارتتىڭ اينالاسىنداعى كەيبىر تۇسiنiسپەۋشiلiكتەر اقپاراتتاردىڭ تولىققاندى بولماۋىنان دا تۋىنداۋى ىقتيمال. سوندىقتان بايانداماشى كوڭiلگە كۇدىك ۇيالاتاتىن وسىنداي پىكىرلەرگە بايلانىستى ەۋرازيالىق ەكونوميكالىق وداق – تەك قانا ەكونوميكالىق ينتەگراتسيا ەكەنىن قاداپ ايتتى. ەڭ باستىسى, ەەو ساياسي ۇيىم ەمەس.
نۇرباي ەلمۇراتوۆ.
دەرەككوز: Egemen.kz.
فوتو: Ortcom.kz.
