قازاقستاننىڭ ءبىرىنشى, الەمنىڭ 19-راكەتكاسى ە. رىباكينا دۇنيەجۇزىلىك رەيتينگتە 232-ورىندا تۇرعان لاۋرا زيگەمۋندپەن سىنعا ءتۇستى.
ە. رىباكينا 22 جاستا بولسا, گەرمانيالىق تەننيسشى 34-تە. وسىعان دەيىن قارسىلاستار ءۇش مارتە كەزدەسىپ, سونىڭ ەكەۋىندە قازاقستاندىق تەننيسشى جەڭگەن ەدى.
بۇل جولى ە. رىباكينا ءبىرىنشى پارتيادا ل. زيگەمۋندقا بىردە-ءبىر گەيم بەرمەي, 22 مينۋتتا 6:0 ەسەبىمەن تىزە بۇكتىردى.
ەكىنشى سەتتى گەرمانيالىق سپورتشى برەيكپەن باستاعانىمەن, ەلەنا تارازى باسىن سول بويدا تەڭەستىرىپ قانا قويماي, ەسەپتى 5:1-گە جەتكىزدى.
وسىلايشا ەسەپ 2:0 بولدى. قازاقستان الدا كەلە جاتىر. قازاقستان – گەرمانيا ماتچى ەرتەڭ جالعاسادى. قازاقستاندىقتارعا قالعان كەزدەسۋلەردە ءبىر ۇپاي السا, جەتىپ جاتىر. ءوز تاريحىندا العاش رەت بيللي دجين كينگ كۋبوگىنىڭ فينالدىق كەزەڭىنە جولداما الادى.
