اتالعان جارىستىڭ توپتىق باسەكەلەرى 14-18 قىركۇيەك كۇندەرى يتاليانىڭ بولونياسى, شوتلانديانىڭ گلازگوسى جانە گەرمانيانىڭ گامبۋرگىندە ۇيىمداستىرىلادى. وسى ءتۋرنيردى قابىلدايتىن تاعى ءبىر قالا وسى ايدىڭ سوڭىندا انىقتالادى. ال فينالدىق سايىستار 21-27 قاراشا كۇندەرى يسپانيانىڭ مالاگاسىندا وتەدى. بيىلعى ماۋسىمدا دەۆيس كۋبوگىن يەلەنۋ ءۇشىن 16 كوماندا كورتقا شىعادى. ولار – حورۆاتيا, سەربيا, ۇلىبريتانيا, كانادا, ارگەنتينا, اۋستراليا, بەلگيا, فرانتسيا, گەرمانيا, يتاليا, وڭتۇستىك كورەيا, نيدەرلاند, يسپانيا, اقش, شۆەتسيا جانە قازاقستان قۇرامالارى.
ەستەرىڭىزگە سالا كەتەيىك, بىلتىر مالاگادا وتكەن ءتۋرنيردىڭ اقتىق سىنىندا رەسەي مەن حورۆاتيا قۇرامالارى كەزدەسىپ, العاشقىلارى جەڭىسكە جەتكەن ەدى. بىراق ۋكرايناداعى جاعدايعا بايلانىستى رەسەيلىك تەننيسشىلەر بيىلعى دودادان شەتتەتىلدى.
