وقىرمانعا توسىنسىي رەتىندە جول تارتقان سىيلىقتاردىڭ ىشىندە «Egemen Qazaqstan» گازەتىنىڭ ءبىر عاسىرلىق شەجىرەسى «جۇزجىلدىق جىلناما» بەس تومدىق جيناعى مەن ەل تاريحىنان سىر شەرتەتىن وزگە دە قۇندى كىتاپتار, سمارتفون, قولساعات سياقتى باعالى دۇنيەلەرمەن قاتار, كۇندەلىكتى تۇرمىسقا قاجەت شاعىن كادەسىيلار دا بار.
ءجۇز مىڭنان استام جازىلىمشىنىڭ ىشىنەن جولى بولىپ جەڭىمپاز اتانعان وقىرمانىمىزدىڭ ءبىرى قوستاناي وبلىسىندا تۇرادى. ارقالىق قالاسىنىڭ تۇرعىنى اسىلاي قابىلديناعا «ەگەمەن» تاعايىنداعان قابىرعا ساعاتىن جەرگىلىكتى پوشتالىق بايلانىس تورابىنىڭ باستىعى اينا تاسقوجاقىزى تابىس ەتتى.
اسىلاي ارقالىق پوليتەحنيكالىق كوللەدجىندە كىتاپحانا قىزمەتكەرى بولىپ جۇمىس ىستەيدى.
– «ەگەمەن قازاقستاندى» ءبىراز جىلدان بەرى ۇزبەي وقىپ كەلەمىن, گازەتتىڭ تۇراقتى وقىرمانىمىن. باس باسىلىمنىڭ ەڭ ۇتىمدى جەرى – اپتاسىنا بەس رەت كەلەدى. ەل ومىرىندە, الەمدە, بۇگىنگى قوعامدا بولىپ جاتقان تولىمدى جاڭالىقتاردى گازەت بەتىنەن كۇندەلىكتى وقىپ-ءبىلىپ وتىرامىن. مۇنىڭ سىرتىندا, گازەت بەتىندە ۇلكەن عالىمداردىڭ اۆتورلىعىمەن ءبىزدىڭ مۇعالىمدەرگە قاجەتتى مازمۇندى ماتەريالدار دا ءجيى جاريالانىپ تۇرادى. كوللەدج ۇستازدارى ىزدەپ تاپپاي جۇرگەن دۇنيەلەر وسى گازەتتىڭ بەتىنەن ءجيى تابىلىپ جاتادى. سوندىقتان وسى كەرەك بولىپ قالار-اۋ دەگەن تاريحي, ادەبي, عىلىمي ءمانى جوعارى, سالماقتى, ساليقالى ماتەريالداردىڭ تاقىرىپتارىن ءتۇرتىپ الىپ, كاتالوگقا جازىپ الىپ وتىرامىن. كەشە پوشتادان حابارلاسىپ, «قازپوشتا» ۇيىمداستىرعان ۇتىس ويىنىنىڭ جەڭىمپازى اتانعانىمدى جانە ماعان ارنالعان شاعىن سىيلىق بار ەكەنىن ايتتى. بۇگىن, مىنە, قولىمداعى قابىرعا ساعاتىن كورىپ تۇرسىز. ناعىز كەرەك دۇنيە. جۇمىس ورنىما اپارىپ ءىلىپ قويايىن دەپ وتىرمىن. وقىرماندارىن كۇتپەگەن جەردەن قۋانتا بىلەتىن گازەت ۇجىمىنا العىسىم شەكسىز! – دەدى اسىلاي قابىلدينا.
قوستاناي وبلىسى,
ارقالىق قالاسى
