اتىراۋدان رەسەيگە سۇيىتىلعان گازدى زاڭسىز الىپ وتپەكشى بولعاندار ۇستالدى

اتىراۋ وبلىسى ارقىلى رەسەيگە 80 توننا سۇيىتىلعان گازدى زاڭسىز شىعارۋشىلار ۇستالدى. بۇل تۋرالى وبلىستىق ەكونوميكالىق قىلمىسقا جانە سىبايلاس جەمقورلىققا قارسى كۇرەس دەپارتامەنتى حابارلادى. اتالعان زاڭسىز ارەكەت دەپارتامەنت پەن كولىك پروكۋراتۋراسىنىڭ بىرلەسكەن رەيدى كەزىندە انىقتالدى. رەسەيگە ءوتۋ ءۇشىن قازاقستان شەكاراسىنا باعىت تۇزەگەن 5 ۇلكەن جۇك اۆتوكولىگىنە 80 توننا سۇيىتىلعان گاز قۇيىلعان. اقتوبە جانە اتىراۋ وبلىستارىندا تىركەلگەن قوس سەرىكتەستىك باسشىلىعى «كوگىلدىر وتىندى» قازاقستان شەكاراسى ارقىلى شەتەلگە شىعارۋدى كوزدەگەن. جەدەل تەكسەرۋ  ناتيجەسى كورسەتكەندەي, رەسەيلىك نومىرلەر تاعىلعان اۆتوكولىكتەردەگى سۇيىتىلعان گاز ىشكى نارىققا  شىعارىلعانى جانە ونى شەتەلگە ساتۋعا ەشقانداي رۇقسات ەتىلمەگەنى انىقتالدى. ەل شەكاراسىنان ءىرى كولەمدە  زاڭسىز تاۋار وتكىزۋگە ارەكەت جاساعان سەرىكتەستىك باسشىلارىنا قاتىستى قىلمىستىق كودەكستىڭ 24-بابىنىڭ 3-ءبولىمى (قىلمىسقا دايىندالۋ جانە قىلمىس جاساۋعا وقتالۋ) جانە 177-بابىنىڭ  2-بولىمنىندەگى «ا» تارماعىمەن (الاياقتىق)  قىلمىستىق ءىس قوزعالدى. جولداسبەك شوپەعۇل. اتىراۋ وبلىسى. دەرەككوز: وبلىستىق دەپارتامەنت. فوتو: www. Board.com.ua.