Cەناتورلار زاڭ جوباسىمەن ۇسىنىلعان نورمالاردى مۇقيات زەرتتەپ, تۇسكەن وتىنىشتەردى ەسكەرە وتىرىپ, ونىڭ بىرقاتار ۇسىنىسىن قايتا قاراۋدى ۇسىندى.
سونداي-اق قۇجاتتى ماجىلىسكە قايتارۋ تۋرالى شەشىم قابىلداندى.
«سەناتورلاردىڭ بالاعا قاتىستى كيبەربۋللينگ فاكتىلەرى بويىنشا مالىمدەمەلەرگە ەنگىزگەن تۇزەتۋلەرىنە سايكەس وسى ماقساتتا ارنايى قۇرىلعان ساراپتامالىق توپتار قارالادى. سونىمەن قاتار سەناتورلار زاڭ جوباسىنان كەڭ وكىلەتتىكتەردى الىپ تاستادى. بۇل ۋاكىلەتتى ورگانعا ءوز قالاۋى بويىنشا ينتەرنەت-رەسۋرستارعا, الەۋمەتتىك جەلىلەرگە جانە مەسسەندجەرلەرگە قول جەتكىزۋدى شەكتەۋگە نەمەسە ولاردىڭ جۇمىسىن توقتاتۋعا مۇمكىندىك بەردى. ساراپشىلار توبى تەك بالاعا قاتىستى كيبەربۋللينگ دەپ تانىعان اقپاراتتى عانا ونلاين پلاتفورمالار وكىلدەرىمەن بىرلەسىپ جويۋعا باسا نازار اۋدارادى. مۇنداي ءراسىم بالالارعا قاتىستى كيبەربۋللينگ فاكتىلەرىنە جەدەل دەن قويۋ مەن قوعامنىڭ اقپاراتقا دەگەن قاجەتتىلىگى اراسىنداعى تەڭگەرىمدى تابۋعا مۇمكىندىك بەرەدى دەپ ويلايمىز», دەدى ماۋلەن اشىمباەۆ
