اتالعان كوپكۇندىككە قاتىسۋشىلار قاتارىندا Astana Qazaqstan Team كلۋبىنىڭ دا ۆەلوشاباندوزدارى بار. ءبىزدىڭ كوماندانىڭ نامىسىن قازاقستاندىق الەكسەي لۋتسەنكو مەن اندرەي زەيتس, يسپانيالىق داۆيد دە لا كرۋس پەن حاۆەر رومو, يتاليالىق سامۋەلە باتتيستەللا, فابيو فەللينە جانە انتونيو نيبالي قورعايدى.
«رومانديا تۋرى» 1947 جىلدان بەرى ۇيىمداستىرىلىپ كەلەدى. بۇل دودادا ەڭ كوپ ولجاعا كەنەلگەن ستيۆەن روۋچ. وتكەن عاسىردىڭ سەكسەنىنشى جىلدارى يرلانديانىڭ ايگىلى سپورتشىسى ءۇش مارتە تەڭدەسسىز دەپ تانىلدى. قازاقستاندىق ۆەلوشاباندوزدار ەكى رەت جۇلدەگەرلەر ساناتىنان كورىندى. ولار – اندرەي كاشەچكين مەن الەكساندر ۆينوكۋروۆ. العاشقىسى 2007 جىلى ۇزدىك ۇشتىكتى قورىتىندىلاسا, ەكىنشىسى 2011 جىلى ءدال سول مەجەدەن كورىندى.
