قازاقستان • 14 ءساۋىر، 2022

قىتايدا ۇزاق ايالداعان جۇكتەر

28 رەت كورسەتىلدى

قىتاي اۋماعىندا جۇك كونتەينەرلەرى ۇزاق ۋاقىت بويى تۇرىپ قالاتىنىن وتاندىق بيزنەسمەندەر 2020 جىلدان بەرى ايتىپ ءجۇر. ولار جۇكتەرىن تەزىرەك الدىرتۋ ءۇشىن «اتامەكەن» ۇلتتىق كاسىپكەرلەر پالاتاسىنان دا كومەك سۇراعان.

ايتالىق، Subaru Kazakhstan جشس كونتەينەر­لەرى قىتاي اۋماعىندا 5 اي بويى تۇرىپ قالعان. جۇكتەردىڭ كەشىگۋى كومپانيا ءۇشىن قو­سىمشا شىعىن ەكەنى بەلگىلى.

ء«بىزدىڭ كومپانيا كولىككە ارنالعان ساپالى بولشەكتەر­دى جاپونيادان ساتىپ الادى. الايدا جولدا قىتايمەن شەكارادا جۇك كونتەينەرلەرىمىز ۇزاق تۇرىپ قالىپ جاتىر. وسى­عان بايلانىستى قارجىلاي شىعىن­دارىمىز دا ءوستى. بۇل جايت تەحنيكانىڭ باستاپقى قۇنىنا دا كەرى اسەرىن تيگىزەدى. ءوزىمىز Subaru-دىڭ رەسمي ديستريبيۋتورى ءارى زاۋىتتىڭ اتىنان كەپىلدىك بەرگەندىكتەن قوسالقى بولشەكتەردى جەتكىزۋدەگى كەز كەلگەن كىدىرىس كليەنتتەرىمىزدىڭ الدىنداعى مىندەتتەمەلەرىمىزدى بۇزۋمەن پارا-پار»، دەدى Subaru Kazakhstan جشس ديرەكتورى اقىلبەك انارباەۆ.

«اتامەكەن» ۇلتتىق كاسىپ­كەرلەر پالاتاسىنىڭ ارالاسۋى­مەن بىلتىردان بەرى قىتاي اۋماعىندا تۇرىپ قالعان قازاق­ستاندىق 1 300-گە جۋىق كونتەينەر ەلگە كەلگەن.

«قازىرگى كەزدە قىتاي 45 كونتەينەردى ليانيۋنگان پورتى­نان شىعارۋ جونىندەگى جوس­پارعا قوستى، تاعى 96 كونتەي­نەر قازاقستان شەكاراسىنا جول تارتتى»، دەلىنگەن ءباسپاسوز حابارلاماسىندا.

«اتامەكەن» ۇكپ مامان­دارى­نىڭ ايتۋىنشا، قىتايدان جۇك تيەلگەن كونتەينەرلەر ەلگە كەلە جاتىر. ۇلتتىق پالاتا وسى تۇرىپ قالعان جۇكتەر تۋرا­لى دەرەكتەردى 2021-2022 جىل­دار ارالىعىندا سالالىق ۆەدومستۆو­لار مەن «قازاقستان تەمىر جولى» كومپانياسىنا حابارلاعان.

«قازىر ءبىز وڭ ديناميكانى بايقاپ وتىرمىز. ۇلتتىق پالاتا 1 342 كونتەينەر تۋرالى دەرەكتەرى بار تاعى ءبىر ءتىزىم­دى جىبەردى. سول تىزىمدەگى جۇكتەردىڭ تۇرىپ قالۋ مەرزىمى تىم ۇزارىپ كەتكەن. شەكارادا 1-دەن 4-كە دەيىن كونتەينەرى بار شاعىن جانە ورتا بيزنەس سۋبەكتىلەرىنىڭ جۇكتەرى 6-7 ايدان  بەرى قىتاي اۋماعىندا تۇر. بۇل تىزىمدەگى جۇكتەردى دە ەل­­گە تەزىرەك قايتارۋعا كۇش سالىپ جاتىرمىز»، دەيدى «اتا­مە­كەن» ۇكپ تورالقا تور­اعاسى رايىم­بەك باتالوۆ.

بيىل ۇلتتىق كاسىپكەرلەر پالاتاسى ۇكىمەتپەن بىرلەسىپ، كونتەينەرلەردى جونەلتۋدى جەدەل­دەتۋ تەتىكتەرىن ازىرلەدى: پا­­لاتا تۇرىپ قالعان كونتەي­نەر­لەر تۋرالى دەرەكتەردى قتج، ين­دۋستريا جانە ينف­ر­ا­قۇرى­لىم­دىق دامۋ مي­نيسترلىگى جانە سىرتق­ى ىستەر مينيستر­لىگى­نە جىبە­رەدى. مەملەكەت­تىك ورگان­دار قى­تاي تاراپى­مەن قوزعا­لىس جوس­پارىنا قازاق­ستان كونتەينەر­لەرىن ەنگىزۋ مۇمكىن­دىگىن جان-جاق­تى قاراستىرۋدى قولعا الماق.

سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

سوفيادان ولجالى ورالدى

سپورت • بۇگىن، 08:40

جاس تەننيسشىلەر جارادى

تەننيس • بۇگىن، 08:32

تۇتىنۋشى قۇقىعىن قورعايدى

قازاقستان • بۇگىن، 08:27

ۇقساس جاڭالىقتار