ايماقتار • 13 ءساۋىر، 2022

رەسەيدەن قازاقستانعا تاسقىن سۋ كەلە جاتىر

7058 رەت كورسەتىلدى

ءساۋىردىڭ 12-ءسى كۇنى ەلوردا ۋاقىتىمەن 17:40-تا رەسەي فەدەراتسياسى ورىنبور وبلىسىنا قاراستى تاشلين اۋدانى پۋستوباەۆ ەلدىمەكەنىندەگى سۋ قويماسىنىڭ 7-8 مەتردەي بوگەتى بۇزىلىپ، توسپا سۋ تومەنگە قاراي لاپ قويدى دەگەن سۋىت حابار كەلدى.

مالىمەتتەرگە قاراعاندا بۇل قويمادا 8 ملن تەكشەمەتر سۋ قورى بار. اققان سۋ ەلتىشەۆكا وزەنىنە قۇيىلادى. ەلتىشەۆكا اعىپ كەلىپ قازاقستان اۋماعىنان جايىق وزەنىنە جالعانادى. قاۋىپتى ايماقتا باتىس قازاقستان وبلىسى بايتەرەك اۋدانى يانۆارتسەۆ اۋىلدىق وكرۋگىنە قاراستى شىنار (چينارەۆ) اۋىلى تۇر.

شىنار اۋىلىندا مەكتەپ پەن مەدبەكەت، شەكارالىق زاستاۆا جانە 82 تۇرعىن ءۇي بار ەكەن. 223 ادام تىركەلگەن. ەلدىمەكەندە 207 سيىر، 449 قوي-ەشكى، 2 ات، 530 قاز-ۇيرەك ەسەپكە الىنعان.

سۋىت حابار جەتىسىمەن باتىسقازاقستاندىق توتەنشە قىزمەت وكىلدەرى شۇعىل اتقا قوندى. 19 ساعات 27 مينۋتتا كۇشتەر مەن قۇرالدار اۋىلعا جەتتى. بايتەرەك اۋداندىق توتەنشە جاعدايلار جونىندەگى ءبولىمى قىزمەتكەرلەرى ەلتىشەۆ وزەنىنىڭ سۋ دەڭگەيى باقىلاۋعا الدى. حالىقتى قۇلاقتاندىرۋ، تۇرعىنداردى ەۆاكۋاتسيالاۋعا دايىنداۋ جۇمىستارى باستالدى. اۋىلدى سۋ باسقان جاعدايدا حالىقتى كوشىرىپ، كورشىلەس يانۆارتسەۆ اۋىلدىق مادەنيەت ۇيىنە ورنالاستىرۋ جوسپارلاندى.

كەشكى ساعات 21.50. شاماسىندا اۋىلعا باتىس قازاقستان وبلىستىق توتەنشە جاعدايلار دەپارتامەنتىنىڭ باستىعى پولكوۆنيك ە.وتەگەنوۆ جەتتى. جەدەل جەلى ۇيىمداستىرىلىپ، ورىنبور وبلىسىنداعى ارىپتەستەرمەن جەدەل اقپارات الماسۋ جولعا قويىلدى.

وقيعا ورنىنا توتەنشەلىكتەردىڭ 14 تەحنيكاسى، 59 قىزمەتكەرى، جەرگىلىكتى اكىمدىك ورگاندارىنان 45 ادام، 10 تەحنيكا، وبلىستىق پوليتسيا دەپارتامەنتىنەن 10 ادام، ءۇش كولىگىمەن، ۇلتتىق قاۋىپسىزدىك كوميتەتى شەكارا قىزمەتىنە قاراستى «مۇقاتاي» شەكارا بەكەتىنەن 5 ادام، «جايىقمۇناي» مەكەمەسىنەن 1 ادام، ينجەنەرلىك قىزمەت مەكەمەسىنەن 2 ەكسكوۆاتور جۇرگىزۋشىسىمەن، جول جانە كوپىر قۇرىلىسىمەن اينالىساتىن «ورال جولدارى»، «ستارتسترويسەرۆيس»، «شامشين» مەكەمەلەرىنەن بىرنەشە ارنايى تەحنيكا جۇمىلدىرىلدى. ازىرلەنگەن ارنايى تەحنيكانىڭ ىشىندە قايىقتار، سۋ سورعىش قۇرالدار دا بار.

ا

تۇنگى ساعات 23.40. شاماسىندا رەسەيلىكتەر تاراپىنان سۋ قويماسىنان اققان سۋ قارقىنى ءسال سايابىرسىعانى تۋرالى حابار جەتكەن.

شىنارلىقتار بۇل ءتۇنى كوز ىلمەدى. اۋىلدا تىركەلگەن 223 ادامنىڭ 150-دەيى عانا بۇل جەردە تۇراقتى تۇرادى ەكەن. 115 ادام ءوز بەتىنشە ەۆاكۋاتسيالاندى، تۋىستارىنا ورنالاستىرىلدى. 20 ادام، ونىڭ ىشىندە 4 بالا قاۋىپسىز جەرگە، يانۆارتسەۆ اۋىلىنداعى ەۆاكوبەكەتكە جەتكىزىلدى. 10 قارت ادام جانە 2 بالا قۇتقارۋشىلاردىڭ «كۋنگ» كولىگىندە ۋاقىتشا باس ساۋعالادى. اۋىلدا تۇرعىنداردان 4 ەر ادام عانا قالدى. «سانجار» شارۋا قوجالىعىنا تيەسىلى 250 باس مال قاۋىپسىز جەرگە ايدالدى. اۋىلدا سۋ كەلۋى ىقتيمال دەگەن تۇستار، وزەن جاعالاۋى قۇم سالىنعان قاپتارمەن بەكىتىلدى. اۋىل ىشىندە ۇزىندىعى 50 مەتر بوگەت نىعايتىلدى. توتەنشەلىكتەردىڭ كۇشىمەن 235 مەتر جەرگە 1285 قاپ جانە 40 مەتر توپىراق ءۇيىندىسى توسەلدى. وسى جۇمىستارعا 250 توننا ينەرتتى ماتەريال پايدالانىلدى.

ۆ

توتەنشەلىكتەردىڭ ءباسپاسوز قىزمەتى حالىققا جاعدايدى ءالسىن-ءالى حابارلاپ وتىردى. ءساۋىردىڭ 13-ءى كۇنى تۇسكە تامان وزەن دەڭگەيى تۇسە باستاعانى بايقالدى. 3 جەردە باقىلاۋ بەكەتى ورنالاسىپ، سۋدىڭ اعىسىن تولىق قاداعالاۋعا الىندى.

سوڭعى مالىمەتتەرگە قاراعاندا، شىنار اۋىلىنىڭ حالقى تۇرعىن ۇيلەرىنە قايتا باستاعان. يانۆارتسەۆ اۋىلىنداعى مادەنيەت ۇيىنە قونىپ شىققان 20 ادام دا جايىقمۇناي كومپانياسىنىڭ اۆتوبۋسىمەن كەرى ورالدى.

ۆا

 

باتىس قازاقستان

سوڭعى جاڭالىقتار

وڭىردە دامۋ ءۇردىسى بار

ايماقتار • كەشە

تاڭدايدىڭ تارلانى

تاريح • كەشە

جوعالعان سولدات

تاريح • كەشە

دومبىرانى دارىپتەدى

رۋحانيات • كەشە

ۇقساس جاڭالىقتار