«سىيعا تارتۋ شارتى بويىنشا «قازاقتەلەكوم» اكتسيونەرلىك قوعامىنىڭ جارعىلىق كاپيتالىنىڭ 24,95%-ىن قۇرايتىن 2 671 481 جاي اكتسياسىن رەسپۋبليكالىق مەنشىككە بەرۋ تۋرالى Skyline Investment Company S.A. جەكە كومپانياسىنىڭ ۇسىنىسى قابىلدانسىن», دەلىنگەن قاۋلى ماتىنىندە.
سونداي-اق «Alatau Capital Investment» جشس سىيعا تارتۋ شارتى بويىنشا قوعامنىڭ جارعىلىق كاپيتالىنىڭ 3,85%-ىن قۇرايتىن قوعامنىڭ 413 412 جاي اكتسياسىن رەسپۋبليكالىق مەنشىككە بەرەدى.
قاۋلى قول قويىلعان كۇنىنەن باستاپ قولدانىسقا ەنگىزىلەدى.
ايتا كەتسەك, 13 ناۋرىزدا كاسىپكەر قايرات ساتىبالدى ۇلىنىڭ «قازاقتەلەكوم» اق-نىڭ لاۋازىمدىق وكىلەتتىكتەرىن اسىرا پايدالانۋ جانە قاراجاتىن اسا ءىرى مولشەردە جىمقىرۋ ءىسى بويىنشا ۇستالعانى بەلگىلى بولدى.
14 ناۋرىزدا سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى ولجاس بەكتەنوۆ «قازاقتەلەكوم» اق الماتى مەن نۇر-سۇلتانداعى كەڭسەلەرىندە ءتىنتۋ ءجۇرىپ جاتقانىن حابارلادى. سونداي-اق ول كومپانيا قاراجاتىن ۇرلاۋ فاكتىلەرى بويىنشا تەرگەۋ جۇرگىزىلىپ جاتقانىن راستادى.
