ءمينيستردىڭ ايتۋىنشا, لاتىن گرافيكاسى نەگىزىندەگى قازاق ءالىپبيىن زەرتتەۋ جۇمىستارى جالعاسىپ جاتىر. سوڭعى نۇسقاسى ءالى قابىلدانعان جوق.
«لاتىن گرافيكاسى بويىنشا ءالى زەرتتەۋ ءجۇرىپ جاتىر. ونى الدىن الا وسىلاي بولادى دەپ ايتۋ ەرتە. زەرتتەۋلەر اياقتالعاننان كەيىن وسى ماسەلە تۋرالى ناقتى ايتامىز, حالىققا جاريالايمىز جانە تالقىلاۋعا سالامىز. سوسىن ءتيىستى شەشىم قابىلدايمىز. بۇل عىلىم عوي. ءبىز ولار قانداي ناتيجەگە كەلەتىنىن ايتا المايمىز», دەدى مينيستر.
سونداي-اق اسحات ايماعامبەتوۆ الدىمەن لاتىن گرافيكاسىنىڭ سوڭعى نۇسقاسىن قابىلداپ الۋ قاجەت ەكەنىن جەتكىزدى.
ايتا كەتەيىك, بۇعان دەيىن ءبىلىم جانە عىلىم ۆيتسە-ءمينيسترى شولپان كارينوۆا «الىپپەنىڭ» لاتىن گرافيكاسى نەگىزىندە تۋرالى ايتقان ەدى. ال 2021 جىلدىڭ باسىندا لاتىن ءالىپبيىنىڭ جاڭا جوباسى تانىستىرىلعان بولاتىن.
جەتىلدىرىلگەن الىپبيدە ءارىپ سانى – 31, ءالىپبي تەك لاتىن ءالىپبيى بازالىق جۇيەسى تاڭبالارىنان قۇرالعان.
بۇل الىپبيدە قازاق ءتىلىنىڭ 28 دىبىسى تولىق قامتىلعان. قازىرگى ءا(ä), ءو(ö), ءۇ(ü), ۇ(ū) جانە ع(ğ), ش(ş) قازاق ارىپتەرى دياكريتيكالىق تاڭبالارمەن بەرىلگەن. الىپبيدە حالىقارالىق تاجىريبەدە قولدانىستا بار ۋملياۋت ( ̈ ), ماكرون ( ˉ ), سەديل ( ̧), برەۆيس ( ̌ ) دياكريتيكالىق تاڭبالارى قولدانىلعان.
مامانداردىڭ سوزىنە قاراعاندا ءالىپبي قازاق ءتىلىنىڭ جازۋ داستۇرىندە ورنىققان ء«بىر دىبىس – ءبىر ءارىپ» پرينتسيپىنە تولىق سايكەس كەلەدى. جاڭا الىپبيگە كەزەڭ-كەزەڭىمەن كوشۋ 2023 جىلدان باستاپ 2031 جىل ارالىعىندا جوسپارلانىپ وتىر.
قازىرگى كەزدە ءتىل ساياساتى ءبىلىم جانە عىلىم مينيسترلىگىنە بەرىلگەن. بۇعان دەيىن وسى ماسەلەمەن, سونىڭ ىشىندە لاتىن گرافيكاسىمەن مادەنيەت جانە سپورت مينيسترلىگى اينالىسقان.
