ۇكىمەت وتىرىسىنان كەيىن جۋرناليستەر وتاندىق نارىقتاعى كولىك تاپشىلىعى تۋرالى سۇرادى.
«قازىر رەسەيلىكتەر جاپپاي قازاقستاندىق كولىكتەردى ساتىپ الىپ جاتىر. مىسالى قوستانايدا كولىك ساتۋ كولەمى ون ەسەگە ءوستى. ال سىزدەر 4 پروتسەنتتىك اۆتوكرەديت بەرەمىز دەيسىزدەر. سوندا اقشا بار, ال كولىك جوق. وسىنى قالاي شەشۋگە بولادى؟», دەپ سۇرادى تىلشىلەر.
ءمينيستردىڭ ايتۋىنشا بۇگىندە اۆتوكرەديت الۋعا ءوتىنىم بەرگەن قازاقستاندىقتار ونسىز دا بىرنەشە اي كۇتۋگە ءماجبۇر. ونداي پروبلەما بۇعان دەيىن بولعان. ال رەسەيلىكتەر جاپپاي كولىك ساتىپ السا, كەزەكتە تۇرۋ مەرزىمى ۇزارۋى كەرەك.
«شىنىمەن دە ءسىز دۇرىس ماسەلە كوتەرىپ جاتىرسىز. قازىر ساتىپ الۋشى ءۇش-ءتورت اي كەزەك كۇتەدى. ءدال وسى مەرزىم وزگەرسە, وندا ءتيىستى شارا قولدانامىز. قازىر جۇمىسقا بارىپ, ناقتى تاپسىرما بەرەمىن. وتاندىق كولىكتەردى قازاقستاندىقتار الاتىنداي ەتىپ جاساۋىمىز كەرەك», دەپ اتاپ ءوتتى ق. وسكەنباەۆ.
ايتا كەتەيىك بۇگىن ۇكىمەت جەڭىلدەتىلگەن اۆتوكرەديت باعدارلاماسىنىڭ نەگىزگى شارتتارىن بەكىتتى. ولار:
اۆتوكرەديتتى ەكىنشى دەڭگەيلى بانكتەر بەرەدى. بىراق باعدارلاماعا قاتىساتىن بانكتە ەلەكتروندى كەزەك بولۋى كەرەك.
«قارجىلاندىرۋدىڭ اشىقتىعىن قامتاماسىز ەتۋ ءۇشىن مينيسترلىكتەرمەن مىندەتتى شارت كوزدەلگەن. وعان سايكەس ەكىنشى دەڭگەيلى بانكتەردە قارىز الۋشىلارعا قارجىلاندىرۋدى ۇسىنۋدىڭ مارتەبەسى مەن مەرزىمىن قاداعالايتىن اۆتوماتتاندىرىلعان جۇيە بولۋعا ءتيىس», دەيدى مينيسترلىك ماماندارى.
سونداي-اق قارىز الۋشىعا ەكى جىلدىڭ ىشىندە ءبىر رەتتەن ارتىق اۆتوكرەديت الۋعا تىيىم سالىنادى.
