مينيستر قايىربەك وسكەنباەۆتىڭ ايتۋىنشا, بۇگىندە حالىق تا, بانكتەر دە باعدارلامانىڭ جالعاسقانىن قولداپ وتىر.
«7-20-25» باعدارلاماسى اياقتالۋعا تاياۋ. بىراق حالىق تا, بانكتەر دە بۇل باعدارلامانى ارى قاراي جالعاستىرۋدى ۇسىنىپ وتىر. ءبىز دە ول ماسەلەنى كوتەرىپ, ۇلتتىق بانككە ءوز ۇسىنىستارىمىزدى بەرىپ جاتىرمىز. بىراق قانداي شەشىم بولاتىنى ازىرشە بەلگىسىز. ونى ءالى اقىلداسىپ جاتىرمىز», دەدى وسكەنباەۆ ۇكىمەت وتىرىسىنان كەيىنگى بريفينگتە.
ايتا كەتەرى, «7-20-25» باعدارلاماسى بويىنشا دايىن جاڭا باسپانانى ساتىپ الۋعا بولادى.
الايدا ءوتىنىش بەرۋشى تۇلعانىڭ اتىندا ەشقانداي باسپانا بولماۋى كەرەك.
مولشەرلەمە - 7%, ەڭ تومەنگى جارنا - كەمىندە 20%-ءى, مەرزىمى – 25 جىلعا دەيىن. باعدارلاما ناقتى مەرزىمى جوق.
بىراق وعان بولىنگەن 1 تريلليون تەڭگە كولەمىندەگى سومانى يگەرگەننەن كەيىن باعدارلامانى جابۋ جوسپارلانىپ وتىر.
ايانا توعانبەك
