اتالعان جارىستا قازاقتىڭ اسا دارىندى تەننيسشىسى زاڭعار نۇرلان ۇلى دا ونەر كورسەتتى. سلوۆەنيالىق زيگو شەشكومەن جۇپ قۇراعان ول باستاپقى باسەكەلەردىڭ بارلىعىندا جەڭىسكە جەتىپ, جارتىلاي فينالدا رەسەيلىك ساۆۆا رىباكين مەن تۇركيالىق مۇستافا ەگەدەن باسىم ءتۇستى – 6:3, 6:4. فينالدا گەرمانيالىق ديەگو پالومەرو مەن نيلس ماكدونالدپەن باس جۇلدەنى ساراپقا سالدى. ءۇش ساعاتقا سوزىلعان بۇل سايىس 6:1, 5:7, 5:10 ەسەبىمەن نەمىس ويىنشىلارىنىڭ پايداسىنا شەشىلدى. سونداي-اق زاڭعاردىڭ جەكەلەگەن سايىستا ءۇشىنشى كەزەڭگە دەيىن جەتكەنىن دە اتاپ وتكەن ءجون. بۇل مەجەدە قانداسىمىز رۋمىنيانىڭ وكىلىنە ەسە جىبەردى.
ەۋروپانىڭ چەمپيوندىق رەيتينگىندە كوش باستاپ كەلە جاتقان ز.نۇرلان ۇلى بۇعان دەيىن دە كوپتەگەن حالىقارالىق تۋرنيردە توپ جارعانىن جانكۇيەرلەر جاقسى بىلەدى. ەندى ول ءۇندىستاندا وتەتىن الەم بىرىنشىلىگىندە قازاق ەلىنىڭ نامىسىن قورعايدى. بۇل جارىس 18 ساۋىردە باستالادى.
