ايماقتار • 12 ءساۋىر، 2022

ورال اۋەجايىنىڭ جاڭا تەرمينالى

26 رەت كورسەتىلدى

«قاراشىعاناق پەتروليۋم وپەرەيتينگ ب.ۆ.» (قپو) كومپانياسى ورال قالاسىنداعى حالىقارالىق اۋەجايدىڭ جاڭا تەرمينالى 2022 جىلعى 7 ساۋىردە پايدالانۋعا بەرىلگەنىن حابارلادى. ال بيىلعى 28 ناۋرىزدا قازاقستان رەسپۋبليكاسىنىڭ ۇكى­مەتى ورال حالىقارالىق اۋەجايىنا باتىس قازاقستان وبلى­سى­نىڭ تۋماسى، كەڭەس وداعىنىڭ باتىرى مانشۇك مامەتوۆانىڭ ەسىمىن بەرۋ تۋرالى قاۋلىعا قول قويعان بولاتىن.

نىساننىڭ اشىلۋ سالتاناتىنا باتىس قازاقستان وبلىسى اكىمى عالي ەسقاليەۆ باس­تاعان وبلىس باسشى­لا­رى، قپو جانە مەردىگەر ۇيىم­دار­دىڭ باسشىلىعى، ورال قالاسى جۇرت­شىلىعىنىڭ وكىلدەرى قا­تىس­­تى.

وبلىس اكىمى عالي ەسقاليەۆ قۇتتىقتاۋ سوزىندە «حالىق­ارا­لىق اۋەجايدىڭ جاڭا تەرمي­نا­لىنىڭ اشىلۋى – وبلىس تۇر­عىن­دارى ءۇشىن عانا ەمەس، بۇكىل ەلىمىز ءۇشىن ايتۋلى وقيعا»، دەپ اتاپ ءوتتى.

«تەرمينال – وتە كۇردەلى نىسان. بۇل جوبانى جەرگىلىكتى قۇرى­لىس كومپانيالارى جۇزە­گە اسىرعانىن ەرەكشە ماقتان تۇتامىن. جاڭا اۋەجاي ءوڭىرى­مىز­دى ودان ءارى دامىتىپ، كوركەيتۋگە، ءتۋريزمنىڭ دامۋىنا قۋاتتى سەر­پىن بەرەدى، اۋە جولاۋشىلارى اعىنىن ارتتىرادى، جاڭا حا­لىق­ارالىق باعىتتارعا جول اشا­دى دەپ سەنەمىن»، دەدى عالي ەسقاليەۆ.

قپو باس ديرەكتورى­ ­دجانكارلو رۋيۋ وسى ماڭىزدى جو­­­با­نىڭ ءساتتى اياقتالۋى كوم­پا­نيا مەن ايماقتىق بيلىك ارا­سىن­دا قالىپتاسقان جەمىس­تى ىن­تى­ماقتاستىق پەن ارىپتەس­تىك­تىڭ ناتيجەسىندە مۇمكىن بولعانىن اتاپ ءوتتى.

«قپو وڭىردەگى الەۋمەتتىك جوبالاردى جۇزەگە اسىرۋعا بەلسەنە اتسالىسىپ كەلەدى. بۇل رەتتە قپو-نىڭ ءوڭىردىڭ الەۋمەتتىك ينفراقۇرىلىمىن دامىتۋعا جۇم­ساعان ينۆەستيتسياسىنىڭ جالپى سوماسى بۇگىندە 455 ملن دوللاردان استى. قازاق­ستان­نىڭ ۋاكىلەتتى ورگاندارى­مەن ىنتى­ماقتاستىقتى ودان ءارى نى­عاي­تا بەرەمىز. رەسپۋب­لي­كا­نىڭ تۇراقتى دامۋ مىندەت­تە­رىن ەسكەرە وتىرىپ، وبلىس تۇر­­عىندارىنىڭ مۇددەسى ءۇشىن قا­را­شىعاناقتى يگەرۋدەن بارىن­شا قايتارىمدى قامتاماسىز ەتۋ­گە دەگەن ورتاق ماقساتىمىزعا نەگىز­دەلگەن»، دەدى دجانكارلو رۋيۋ.

جاڭا تەرمينال حالىقارالىق ستان­­دارتتارعا ساي ءارى زاماناۋي تەح­­نولوگيالاردى پايدالانا وتى­­­­رىپ سالىنعان. ونىڭ جولاۋ­شى­­­لار اعىنىن وتكىزۋ قابىلەتى ساعا­­تىنا 200 جولاۋشىعا ەسەپ­تەل­­­گەن، ال اۋە تاسىمالىنىڭ جىل­­­­­دىق كولەمى 600 مىڭ جو­لاۋ­شى­­­عا دەيىن جەتەدى.

سوڭعى جاڭالىقتار

اقجايناق استانا

ەلوردا • كەشە

ديماش پەن دجەكسون

ونەر • كەشە

ۇقساس جاڭالىقتار