سۋ باسۋ قاۋپى سەيىلگەن جوق

دەپۋتاتتار حالىققا مەملەكەت تاراپىنان كومەك كورسەتىلەتىنىن ايتىپ، ماسەلەلەردى وزدەرىنىڭ ءجىتى باقىلاۋىندا ۇستايتىنىن جەتكىزدى. وزدەرىڭىزگە بەلگىلى، مەملەكەت باسشىسى قاسىم-جومارت توقاەۆ قازاقستاندىقتاردىڭ ءال-اۋقاتىن جاق­سارتۋ ماسەلەلەرىنە ەرەكشە نا­زار اۋدارىپ، دەپۋتاتتاردى حا­لىققا جاقىن بولۋعا، ادامداردىڭ قاجەتتىلىكتەرىنە جەدەل دەن قويۋعا، ولاردى تولعاندىرعان ماسەلەلەردى شەشۋگە شاقىرعان بولاتىن.

ءماجىلىس دەپۋتاتتارى، Ama­nat پارتياسى فراكتسياسىنىڭ مۇشە­لەرى مالىك قۇلشار پەن سنە­جاننا يماشەۆا باتىس قازاق­ستان وبلىسىنا بارىپ، سۋ تاسقى­نىنان زارداپ شەككەن اۋدان تۇرعىن­دارىمەن كەزدەستى. مالىك قۇلشار قاراتوبە اۋدانىنداعى شالعىن اۋىلىندا بالالاردىڭ وقۋى ۇيىم­داستىرىلعان اۋىلدىق كلۋبتا مۇ­عالىمدەرمەن تىلدەسىپ، ءمان-جايدى تالقىلادى.

«مەكتەپتىڭ عيماراتىنا سۋ كىرىپ، بولمەلەردىڭ ورتاسى قۇلاعان. قازىر وقۋشىلار ۋاقىتشا اۋىلدىق كلۋبتا ءبىلىم الۋدا. اۋىلداعى 45 ءۇيدىڭ 29-ىنا سۋ كىرگەن، 23-ءى تۇرۋعا كەلمەيدى. اۋىل تۇرعىندارى سۋ كىرمەگەن ۇيلەرگە 3-4 وتباسىدان ءبولىنىپ ورنالاسقان. قۇلاعالى تۇرعان ۇيلەردى ساراپتاۋ جونىندەگى كوميسسيا جۇمىس ىستەۋدە. اۋىل حالقى ەشقايدا كوشپەي، جاڭا مەكتەپ تە، ۇيلەر دە وسى اۋىلعا سالىنسا دەگەن وتىنىشتەرىن جەتكىزدى»، دەدى دەپۋتات.

سونداي-اق اۋداندا توتەنشە جاع­­داي جاريالانعاندىقتان ەش­قان­­داي كونكۋرسسىز قارجى قاراس­­تىرۋ مۇمكىندىگى بار ەكەنىن ايتىپ، قۇ­رىلعان كوميسسيانىڭ شەشى­مى­­مەن اپاتتى جاعدايداعى مەكتەپ ور­نىنا 60 ورىندىق ءبىلىم وردا­سى­نىڭ قۇرىلىسى باستالاتىنىن جەتكىزدى.

ساپار بارىسىندا دەپۋتاتتار جەرگىلىكتى بيلىك وكىلدەرىمەن بىر­گە وبلىستاعى ءبورلى اۋدانىنىڭ قى­زىلتال اۋىلىنداعى سۋ تاسقىنىنان زارداپ شەككەن ۇيلەردى ارالادى. الداعى ۋاقىتتا سۋ تاسقىنىنان قورعانۋ ءۇشىن ارنايى نىسان سالۋ جوسپارلانىپ وتىر.

ال پاۆلودار وبلىسىندا ءما­جى­لىس دەپۋتاتتارى ايگۇل نۇركينا مەن ۆەرا كيم روجدەستۆەنكو اۋى­لىندا سۋ تاسقىنىنان زارداپ شەككەن وتباسىلارمەن كەزدەسىپ، ولارعا پارتيا اتىنان تۇرمىستىق تەحنيكا، ازىق-ت ۇلىك، باسقا دا كەرەك-جاراقتارمەن كومەكتەستى.

ء«بىز ءاردايىم مونيتورينگ جاساپ وتىرمىز. بۇگىن جاعدايدى ءوز كوزىمىزبەن كورۋگە كەلدىك. ەندىگى باس­تى ماسەلە – ءتيىستى كومەك كورسەتۋ. اپات سالدارىن انىقتاپ، ءتيىستى شارالاردى قولعا الۋ»، دەدى ايگۇل نۇركينا.

مامانداردىڭ ايتۋىنشا، سۋ تاسقىنىنىڭ ورىن الۋىنا ارنايى بوگەتتەردىڭ جوقتىعى سەبەپ بولىپ وتىر. دەپۋتاتتار سۋ تاسقىنى ماسەلەسى ءجىتى باقىلاۋدا بولاتىنىن ايتىپ، قاجەت بولعان جاعدايدا زاڭناماعا وزگەرىس ەنگىزىلەتىنىن دە جەتكىزدى.

جالپى، روجدەستۆەنكو اۋىلىندا 30-عا جۋىق ءۇي ەرىگەن قار سۋىنان زارداپ شەكتى. سالدارىنان اۋداندا توتەنشە جاعداي جاريالانىپ، 100-گە تارتا تۇرعىن قاۋىپسىز جەرگە كوشىرىلىدى.

ءماجىلىس دەپۋتاتتارى امانعالي بەردالين مەن عالىمجان ەلەۋوۆ اقتوبە وبلىسىنىڭ قوبدا جانە ويىل اۋداندارىنداعى سۋ باسۋ قاۋپى بار ەلدى مەكەندەردى ارالاپ، تابيعي اپاتتىڭ الدىن الۋ شارالارىمەن تانىستى.

قوبدا اۋدانىندا سۋ تاسقى­نىنان بىرنەشە الەۋمەتتىك نىسان، سپورت كەشەنى مەن شاعىن جا­نە ورتا بيزنەس عيماراتتارى زار­داپ شەككەن. جارىق اۋىلىندا سۋار­مالى جەرلەردى سۋ باسسا، ەگىندى­بۇ­لاقتا سۋ تاسقىنىنان كەيىنگى جول قالپىنا كەلتىرىلۋدە.

دەپۋتاتتار ويىل اۋدانىنا دا باردى. مۇندا سارالجىن اۋىلدىق وكرۋگىندە بولىپ، ورتا-قيىل-تاسساي سۋ جۇيەسىن باقىلادى. قازىرگى تاڭدا وكرۋگ بويىنشا 5 600 گەكتار ليماندى القاپقا سۋ شىعىپ وتىر. بىلتىر جوندەۋدەن وتكەن سۋ جۇيەلەرى قازىر تاسقىن سۋدى ۇستاۋعا سەپتىگىن تيگىزۋدە.

ءماجىلىس دەپۋتاتتارى – Amanat پارتياسى فراكتسياسىنىڭ مۇشەلەرى ەرلان سايىروۆ، ەدىل جاڭبىرشين جانە زارينا كاماcوۆا شىعىس قا­زاق­ستان وبلىسىنا ارنايى جۇمىس ساپارىمەن باردى.

دەپۋتاتتار گلۋبوكوە اۋدا­نى بەلوۋسوۆكا اۋىلىندا ورنا­لاسقان سۋ قويماسىنا بارىپ، ون­داعى جاعدايدى ءوز كوزدەرىمەن كوردى. سونىمەن قاتار اتالعان اۋدان­داعى پروگرەسس، پرەدگورنوە اۋىل­دارىنداعى سۋ تاسقىنى قاۋپى بار ۋچاسكەلەردى ارالادى.

«بۇگىنگى تاڭدا تۇرعىندار تاراپىنان تاسقىن سۋ ماسەلەسىنە بايلا­نىستى ساۋال كوپ تۇسۋدە. وڭىرلەردە سۋ قويمالارىندا تۇيتكىلدى ماسەلە دە جوق ەمەس. بۇعان دەيىنگى شىعىسقا جۇمىس ساپارىمدا زايسان اۋدانىنداعى ۇدەنەي، تارباعاتاي اۋدانىنداعى قاندىسۋ سۋ قويمالارىنداعى وزەكتى ماسەلەلەردى كوتەرگەن ەدىم. ءبىز ماسەلەنىڭ سالدارىمەن ەمەس، سەبە­بىمەن كۇرەسۋىمىز قاجەت»، دەدى ءماجى­لىس دەپۋتاتى ە.سايىروۆ.

مامانداردىڭ ايتۋىنشا گلۋ­بو­­كوە اۋدانىنىڭ بەلوۋسوۆكا اۋى­لىنداعى سۋ قويماسى 1946 جى­لى پايدالانۋعا بەرىلگەن. گلۋبو­چانكا وزەنى جانە كىشى ەرتىس وزەنى­نىڭ وڭ جاعالاۋى قۇيادى. سۋ قوي­ما­سىنىڭ ۇزىندىعى 3،3 كم بولسا، ماك­سي­مالدى تەرەڭدىگى – 8.5 مەتر. سۋ قوي­ماسىنا جىل سايىن اعىم­داعى جوندەۋ جۇمىستارى جۇرگى­زىلىپ تۇرادى.

«تۇرعىندار تاراپىنان كو­تە­رىل­گەن ماسەلە نازاردان تىس قال­­مايدى. مەملەكەت باسشىسى دە­­پۋ­تاتتاردى حالىقپەن ءجيى جۇز­دەسىپ، تولعاندىرعان ماسەلەلەرىنىڭ وڭ شە­شىم تابۋىنا اتسالىسۋدى ۇنە­­مى ايتىپ كەلەدى. بۇگىنگى جۇ­مىس سا­پارىمىز دا وسى تاپسىرما اياسىن­دا جۇزەگە اسىرىلىپ وتىر»، دەدى ءما­جىلىس دەپۋتاتى ە.جاڭبىر­شين.

دەپۋتاتتار ودان ءارى شى­عىس قازاقستان وبلىسىنىڭ ريد­دەر، التاي، كاتونقاراعاي، كۇر­شىم، زايسان، تارباعاتاي اۋداندارىن ارالاپ، ونداعى سۋ قويمالارىنىڭ جۇمىسىمەن تانىسىپ، اۋىل تۇر­عىندارىمەن كەزدەستى.