قازاقستان حالقى اسسامبلەياسى پارلامەنت ماجىلىسىنە ەكى كانديداتتى ۇسىندى.
داۋىس بەرۋ 28 ساۋىرگە جوسپارلانعان.
قازاقستان حالقى اسسامبلەياسى كەڭەسىنىڭ شەشىمىمەن ءماجىلىس دەپۋتاتتىعىنا كەلەسى كانديداتتار ۇسىنىلدى:
1) كۋزيەۆ زاكيرجان پيرمۋحامەدوۆيچ – 1969 جىلى تۋعان. الماتى قالاسىنىڭ تۇرعىنى, ۇلتى - ۇيعىر. «ۋنيۆەرسال» جشس باقىلاۋ كەڭەسىنىڭ توراعاسى;
2) تۆاريوناس ۆيتالي يونو – 1964 جىلى تۋعان. قاراعاندى قالاسىنىڭ تۇرعىنى, ۇلتى - ليتۆالىق, «ۆيكينگ» «مەملەكەتتىك ەمەس كۇزەت قۇرىلىمى» جشس زاڭگەرى.
ورتسايلاۋكوم مۇشەلەرى جوعارىدا اتالعان كانديداتتاردى تىركەۋ تۋرالى قاۋلى قابىلدادى. ەندى ۇمىتكەرلەر سايلاۋ بيۋللەتەنىنە ەنگىزىلەدى.
ايتا كەتسەك, سايلاۋ بيۋللەتەنىنە «بارىنە قارسىمىن» باعانى ەنگىزىلەدى. سايلاۋ بيۋللەتەندەرى مەملەكەتتىك جانە ورىس تىلىندە باسىلادى.
