«مەملەكەت باسشىسىنىڭ تاپسىرماسىنان كەيىن كومپانيادا بىرقاتار شارا قولعا الىنىپ, اۋقىمدى جۇمىس جۇرگىزىلىپ جاتىر. شتات 2 ەسەگە قىسقارتىلىپ, قىزمەتكەرلەردىڭ سانى ازايدى. باسقارۋ لاۋازىمى دا ەكى ەسەگە دەيىن قىسقاردى. سونىمەن قاتار كومپانياداعى كەڭەسشىلەر ينستيتۋتى مەن قوردىڭ شەتەلدەگى وكىلدىكتەرى جابىلدى», دەدى عيبرات اۋعانوۆ.
ونىڭ ايتۋىنشا, بيىل 1 ساۋىردەن باستاپ «سامۇرىق-قازىنا» اق-دا ساتىپ الۋدىڭ جاڭا ەرەجەسى ەنگىزىلدى.
«ساتىپ الۋدىڭ جاڭا ەرەجەسى قوعام مەن قۇزىرلى ورگانداردىڭ قىزۋ تالقىسىنان ءوتتى. جاڭا ەرەجەدە ءبىز بارىنشا اشىقتىقتى قامتاماسىز ەتۋگە تىرىستىق. لاۋازىمدى تۇلعالار مەن قىزمەتكەرلەردىڭ كورپوراتيۆتىك جانە الەۋمەتتىك جاۋاپكەرشىلىگى كۇشەيتىلدى. سول سياقتى اتالعان سالاعا جاۋاپتى جەتەكشىلەر تاعايىندالدى. تاعى ءبىر ايتىپ وتەتىن جايت, جىل باسىندا وندىرىستىك قىزمەتكەرلەردىڭ جالاقىسى ءبىرشاما ارتتى. ودان بولەك بىرقاتار الەۋمەتتىك-قايىرىمدىلىق باعىتتاعى ءىس-شارا قولعا الىندى», دەدى ول.
