كوميسسيا مەملەكەتتىك ءتىل ساياساتىنىڭ ءتيىمدى ىسكە اسىرىلۋىن قامتاماسىز ەتۋ ماقساتىندا قۇرىلادى.
كوميسسيا ءوز قىزمەتىندە قر كونستيتۋتسياسىن, قر زاڭدارىن, قر پرەزيدەنتى مەن ۇكىمەتىنىڭ اكتىلەرىن, وزگە دە نورماتيۆتىك قۇقىقتىق اكتىلەردى باسشىلىققا الاتىنى كورسەتىلەدى.
كوميسسيانىڭ جۇمىس ورگانى قر ءبىلىم جانە عىلىم مينيسترلىگى بولىپ بەكىتىلدى.
كوميسسيانىڭ نەگىزگى مىندەتتەرى:
- مەملەكەتتىك ءتىل ساياساتىن ىسكە اسىرۋ تەتىكتەرىن ودان ءارى جەتىلدىرۋ بويىنشا ۇسىنىستار ازىرلەۋ;
- ءتىل رەفورماسىن كەشەندى ىسكە اسىرۋ بويىنشا ۇسىنىمدار ازىرلەۋ;
- مەملەكەتتىك ءتىل ساياساتىن جەتىلدىرۋ جانە قازاق ءتىلى ءالىپبيىن لاتىن قارپىنە كوشىرۋ بويىنشا ۇسىنىمدار مەن ۇسىنىستار ازىرلەۋ;
- مەملەكەتتىك ءتىلدى كەشەندى جانە جۇيەلى دامىتۋ, قولدانۋ اياسىن كەڭەيتۋ, ۇيلەسىمدى ءتىل ساياساتىن ىسكە اسىرۋ جونىندە ۇسىنىستار ازىرلەۋ;
- مەملەكەتتىك ءتىلدىڭ حالىقارالىق قارىم-قاتىناستاعى ءرولى مەن ورنى, شەتەلدە مەملەكەتتىك ءتىلدىڭ قولدانىلۋ اياسىن كەڭەيتۋ جونىندە ۇسىنىمدار ازىرلەۋ;
- مەملەكەتتىك ءتىل ساياساتىن ىسكە اسىرۋ جونىندەگى قىزمەتتى اقپاراتتىق, ادىستەمەلىك جانە ۇيىمداستىرۋشىلىق قامتاماسىز ەتۋ بويىنشا ۇسىنىمدار ازىرلەۋ.
كوميسسيانىڭ فۋنكتسيالارى:
- ورتالىق مەملەكەتتىك جانە جەرگىلىكتى اتقارۋشى ورگاندار, كۆازيمەملەكەتتىك سەكتور ۇيىمدارى جانە مەملەكەتتىك ەمەس ۇيىمدار باسشىلارىنىڭ مەملەكەتتىك ءتىل ساياساتىن ىسكە اسىرۋ جونىندەگى ەسەپتەرىن تىڭداۋ, ۇسىنىستار بەرۋ;
- مەملەكەتتىك ءتىل ساياساتىن ىسكە اسىرۋدىڭ عىلىمي, ءبىلىم بەرۋ اسپەكتىلەرىن جانە ونىڭ عىلىم مەن مادەنيەت تىلىنە بارىنشا وزگەرۋىن قاراۋ;
- مەملەكەتتىك ءتىل ساياساتى سالاسىنداعى نورماتيۆتىك قۇقىقتىق اكتىلەردى جەتىلدىرۋ بويىنشا ۇسىنىمدار ازىرلەۋ;
- مەملەكەتتىك ءتىل ساياساتىن ىسكە اسىرۋ جانە قازاق ءتىلى ءالىپبيىن لاتىن گرافيكاسىنا كوشىرۋگە باعىتتالعان ءىس-شارالاردى جۇزەگە اسىرۋ سالاسىنداعى مەملەكەتتىك ورتالىق, جەرگىلىكتى جانە وزگە دە مەملەكەتتىك ورگاندار مەن مەملەكەتتىك ەمەس ۇيىمداردىڭ ءىس-ارەكەتتەرىن تالداۋ.
قۇجات 22 ساۋىرگە دەيىن «اشىق نقا» سايتىندا جاريا تالقىلاۋ ءۇشىن ورنالاستىرىلعان.
