«2021 جىلى نۇر-سۇلتان قالالىق اكىمدىگى پوليتسيا دەپارتامەنتى ۇسىنعان اپاتتاردى تالداۋ نەگىزىندە جول قاۋىپسىزدىگىن قامتاماسىز ەتۋ بويىنشا بىرنەشە ءىس-شارانى ىسكە اسىردى, ونىڭ ىشىندە رەتتەلمەيتىن جاياۋ جۇرگىنشىلەر جولاعىنىڭ ورنىنا 34 باعدارشام سالۋ بار. 16 جاياۋ جۇرگىنشى وتكەلىندە قوسىمشا جارىق جانە جاياۋ جۇرگىنشىلەر وتكەلىنىڭ الدىندا جىلدامدىقتى تومەندەتۋدى ەسكەرتىپ, ءدىرىل تۋدىراتىن بۇدىر جولاقتار ورناتىلدى», دەدى ەلوردالىق پوليتسيا دەپارتامەنتىنىڭ ءباسپاسوز قىزمەتىنەن.
اكىمشىلىك پوليتسيا باسقارماسىنىڭ باستىعى چۋپەكوۆ ە. ك. ايتۋىنشا, قابىلدانعان شارالاردىڭ ناتيجەسىندە كولىكتەردىڭ جاياۋ جۇرگىنشىلەردى قاعۋ وقيعالارىنىڭ سانى ازايعان. وتكەن جىلدىڭ سايكەس كەزەڭىمەن (3 اي) سالىستىرعاندا اتالعان فاكتى 22-دەن 20 جول-كولىك وقيعاسىنا دەيىن, زارداپ شەككەندەر سانى 24-تەن 19 ادامعا دەيىن قىسقاردى.
وسى جىلى 40-تان استام ۋچاسكەدە جاياۋ جۇرگىنشىلەرگە ارنالعان باعدارشام سالۋ جوسپارلانعان, ونىڭ ىشىندە تىلەنديەۆ داڭعىلىندا Small ءسۇ, راحمەت ءسۇ جانە ت.ب. ادام كوپ جۇرەتىن ماگيسترالداردا, وتكەلدەر الدىندا اۆتوماشينالاردىڭ بۇرىلۋ مۇمكىندىگى قاراستىرىلعان.
بۇدان باسقا, ەلوردا اكىمدىگىنىڭ تسيفرلاندىرۋ باسقارماسى, «سەرگەك» اوك رەتتەلەتىن 26 جاياۋ جۇرگىنشى وتكەلىندە باعدارشامنىڭ تىيىم سالاتىن سيگنالىنا ءوتۋ بۇزۋشىلىقتارىن تىركەۋدىڭ جاڭا فۋنكتسياسىن ازىرلەپ, ەنگىزدى.
